ຂ່າວສານ
ທ່ານຮອງນາຍົກລັດຖະມົນຕີ ເລວັນແທັງ ຮຽກຮ້ອງ ອາຊຽນ ແລະ ຈີນ ຈົ່ງສາມັກຄີກັນກ່ວາອີກ, ຊູກຍູ້ການຮ່ວມມືໃນພາກພື້ນ
ຕອນເຊົ້າວັນທີ 10 ກັນຍາ, ຢູ່ສູນວາງສະແດງ ແລະ ກອງປະຊຸມສາກົນນະຄອນ ນານຫນິງ, ເມືອງເອກຂອງແຂວງ ກວາງຊີ (ທາງພາກໃຕ້ ຈີນ), ໄດ້ດຳເນີນພິທີໄຂງານຕະຫຼາດນັດ ອາຊຽນ - ຈີນ (CAEXPO) ແລະ ກອງປະຊຸມສຸດຍອດກ່ຽວກັບການຄ້າ ອາຊຽນ - ຈີນ (CABIS) ຄັ້ງທີ 18. ກ່າວຄຳເຫັນທີ່ກອງປະຊຸມຕາມຮູບແບບທາງໄກ, ທ່ານຮອງນາຍົກລັດຖະມົນຕີ ຫວຽດນາມ ເລວັນແທັງ ໄດ້ເນັ້ນໜັກເຖິງເສັ້ນທາງ 30 ປີແຫ່ງການຮ່ວມມື ລະຫວ່າງ ອາຊຽນ - ຈີນ ໄດ້ຮັກສາການໂອ້ລົມສົນທະນາ, ຊຸກຍູ້ການຮ່ວມມືຢ່າງແຮງ ແລະ ໄດ້ປະກອບສ່ວນຢ່າງໃຫຍ່ຫຼວງ ເຂົ້າໃນສັນຕິພາບ, ສະຖຽນລະພາບ ແລະ ການພັດທະນາວັດທະນາຖາວອນ ໃນພາກພື້ນ ແລະ ສາກົນ. ທ່ານຮອງນາຍົກລັດຖະມົນຕີ ຢັ້ງຢືນວ່າ ການຮ່ວມມືດ້ານເສດຖະກິດສອງຝ່າຍ ບັນລຸໄດ້ບາດກ້າວພັດທະນາຢ່າງກະໂດດຂັ້ນ, ວົງເງິນການຄ້າສອງຝ່າຍເພີ່ມຂຶ້ນທົບ 80 ເທົ່າໃນໄລຍະ 30 ປີຜ່ານມາ, ຈີນ ແລະ ອາຊຽນ ໄດ້ກາຍເປັນຄູ່ຮ່ວມມືການຄ້າໃຫຍ່ທີ່ສຸດຂອງກັນ. ສອງຝ່າຍໄດ້ ແລະ ພວມຮ່ວມມືກັນຢ່າງແໜ້ນແຟ້ນ ໃນບັ້ນຕໍ່ສູ້ຕ້ານໂລກລະບາດໂຄວິດ - 19.
ທ່ານຮອງນາຍົກລັດຖະມົນຕີ ເລວັນແທັງ ໄດ້ເນັ້ນໜັ້ກເຖິງ 3 ຈຸດສຸມໃນການຮ່ວມມືລະຫວ່າງ ອາຊຽນ ແລະ ຈີນ ໃນໄລຍະຈະມາເຖິງ. ນັ້ນແມ່ນສືບຕໍ່ຍູ້ໄວຂະບວນການຮ່ວມມືເສດຖະກິດ ລະຫວ່າງ ອາຊຽນ ແລະ ຈີນ, ຍາດແຍ່ງກາລະໂອກາດ ເຊິ່ງສັນຍາຄູ່ຮ່ວມມືເສດຖະກິດຮອບດ້ານໃນພາກພື້ນ, ສັນຍາການຄ້າເສລີ ອາຊຽນ - ຈີນ ນຳມາໃຫ້ ໃຫ້ເປັນຢ່າງດີ, ເພີ່ມທະວີການຮ່ວມມືໃນຂົງເຂດເສດຖະກິດີຈີຕອນ.
(ແຫຼ່ງຄັດຈາກ VOV)
