ທ່ານພົນໂທ ຫງວຽນຈີ໊ວີ້ງ ຕ້ອນຮັບບັນດາຫົວໜ້າອົງການຕາງໜ້າ ຫວຽດນາມ ປະຈຳຕ່າງປະເທດ
ວັນທີ 6 ພະຈິກ, ຢູ່ສຳນັກງານກະຊວງປ້ອງກັນປະເທດ, ທ່ານພົນໂທ ຫງວຽນຈີ໊ວີ້ງ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ ໄດ້ ໃຫ້ການຕ້ອນຮັບບັນດາຫົວໜ້າອົງການຕາງໜ້າ ຫວຽດນາມປະຈຳຕ່າງປະເທດອາຍຸການ 2019 – 2022 ທີ່ຫາກໍ່ໄດ້ຮັບການແຕ່ງຕັ້ງ.
ທ່ານພົນໂທ ຫງວຽນຈີ໊ວີ້ງ ກ່າວຄຳເຫັນທີ່ ການເຮັດວຽກ (ພາບ: QDND)
ທ່ານພົນໂທ ຫງວຽນຈີ໊ວີ້ງ ມີຄວາມປາດຖະໜາຢາໃຫ້ບັນດາຫົວໜ້າອົງການຕາງໜ້າ ຫວຽດນາມປະຈຳຕ່າງປະເທດ ສືບຕໍ່ຊອກຮູ້ຄວາມຕ້ອງການໃນການຮ່ວມມືດ້ານປ້ອງກັນປະເທດກັບບັນດາປະເທດປະຈຳຖິ່ນເພື່ອແລກປ່ຽນ, ເປີດກ້ວາງທຸກດ້ານໃນການຮ່ວມມືປ້ອງກັນປະເທດທັງໄລຍະສັ້ນ ແລະ ໄລຍະຍາວ, ເປັນຕົ້ນແມ່ນການຮ່ວມມືແກ້ໄຂຜົນຮ້າຍຢ້ອນຫຼັງຈາກສົງຄາມ. ພ້ອມກັນນັ້ນ, ຊີ້ນຳບັນດາອົງການທີ່ນອນໃນຂອບເຂດສິດອຳນາດຂອງຕົນ, ສົມທົບກັບຫ້ອງການທູດທະຫານປະຈຳ ບັນດາປະເທດ ແລະ ທູດທະຫານຂອງ ຫວຽດນາມ ຢູ່ ສປຊ ເພື່ອ ໂຄສະນານະໂຍບາຍປ້ອງກັນຊາດ ຂອງ ຫວຽດນາມ, ແຜນນະໂຍບາຍເຊື່ອມໂຍງເຂົ້າກັບສາກົນ, ການທູດດ້ານປ້ອງກັນຊາດ ຂອງ ຫວຽດນາມ, ໂຄສະນາຮູບພາບຂອງ ກອງທັບປະຊາຊົນ ຫວຽດນາມ ໃຫ້ເພື່ອນມິດສາກົນ.
(ແຫຼ່ງຄັດຈາກ VOV)