(ພາບ: nhandan.vn)
ເນື່ອງໃນໂອກາດສະເຫຼີມສະຫຼອງ 76 ປີແຫ່ງວັນການປະຕິວັດເດືອນສິງຫາ ແລະ ວັນຊາດຫວຽດນາມ ທີ 2 ກັນຍາ, ທ່ານເລຂາທິການໃຫຍ່ ຫງວຽນຝູຈ້ອງ ໄດ້ໄປຖະຫວາຍທູບທຽນ, ດອກໄມ້ ອາໄລຫາປະທານໂຮ່ຈີມິນ ຢູ່ເຮືອນເລກທີ 67 ໃນເຂດປູຊະນີຍະສະຖານປະທານ ໂຮ່ຈີມິນ ຢູ່ທຳນຽບປະທານປະເທດ.
ທ່ານເລຂາທິການໃຫຍ່ ຫງວຽນຝູຈ້ອງ ແລະ ບັນດາຜູ້ແທນໄດ້ສະແດງຄວາມເຄົາລົບນັບຖືຕໍ່ຜົນງານອັນຍິ່ງໃຫຍ່ຂອງປະທານໂຮ່ຈີມິນ, ຜູ້ນຳທີ່ປີຊາສາມາດຂອງພັກ ແລະ ປະຊາຊົນຫວຽດນາມ, ເປັນຄູອາຈານຜູ້ຍິ່ງໃຫຍ່ຂອງການປະຕິວັດຫວຽດນາມ, ນັກຮົບວິລະຊົນປົດປ່ອຍຊາດ, ນັກວັດທະນະທຳທີ່ມີຊື່ສຽງຂອງໂລກ.ເມື່ອໂອ້ລົມກັບພະນັກງານ, ພາລະກອນເຂດປູຊະນີຍະສະຖານປະທານ ໂຮ່ຈີມິນ ຢູ່ທຳນຽບປະທານປະເທດ, ທ່ານເລຂາທິການໃຫຍ່ ຫງວຽນຝູຈ້ອງ ສະແດງຄວາມປາດຖະໜາວ່າ, ພະນັກງານ, ພາລະກອນເຮັດວຽກຢູ່ທີ່ນີ້ຈົ່ງເຫັນແຈ້ງຄວາມເປັນກຽດ ແລະ ໜ້າທີ່ຄວາມຮັບຜິດຊອບທີ່ໄດ້ເຮັດວຽກຢູ່ທີ່ນີ້, ມານະພະຍາຍາມເຮັດວຽກໃຫ້ເປັນຢ່າງດີກວ່າ, ໂຄສະນາແນວຄິດ, ພູມປັນຍາ, ນ້ຳໃຈ, ກິດຕິຄຸນມະນຸດ, ຊີວິດ ແລະ ພາລະກິດຂອງລຸ່ງ ໂຮ່ ກັບປະຊາຊົນຢູ່ພາຍໃນ ແລະ ຕ່າງປະເທດ ເມື່ອມາຢ້ຽມຢາມ, ຊອກຮູ້ກ່ຽວກັບ ເພິ່ນຢູ່ເຂດນີ້ຢ່າງຄົບຖ້ວນ.
(ແຫຼ່ງຄັດຈາກ VOV)
