06/02/2020 10:02 GMT+7 Email Print Like 0

ທ່ານເລຂາທິການໃຫຍ່ ສປຊ ປະກາດບັນດາການເຄື່ອນໄຫວບຸລິມະສິດໃນປີ 2020

      ວັນທີ 4 ກຸມພາ, ຢູ່ສໍານັກງານ ສປຊ ຢູ່ນະຄອນ ນິວຢອກ, ທ່ານເລຂາທິການໃຫຍ່ ສປຊ Antonion Guterres ໄດ້ດໍາເນີນການປະຊຸມຖະແຫຼງຂ່າວຕົ້ນປີ ເພື່ອແນໃສ່ຍົກອອກສານກ່ຽວກັບບັນດາບັນຫາບຸລິມະສິດຂອງອົງການດັ່ງກ່າວໃນປີ 2020.

ທ່ານເລຂາທິການໃຫຍ່ ສປຊ Antonion Guterres (ພາບ: AP)
      ນັ້ນແມ່ນການສຸມໃສ່ຊອກຫາມາດຕະການໃຫ້ແກ່ແກ້ໄຂຄວາມເຄັ່່ງຕຶງດ້ານການເມືອງ, ຍູ້ແຮງບັ້ນຮົບຕ້ານການປ່ຽນແປງຂອງດິນຟ້າອາກາດ, ຊຸກຍູ້ບັນດາເປົ້າໝາຍພັດທະນາແບບຍືນຍົງ (SDGs) ແລະ ເພີ່ມທະວີການສົມທົບລະຫວ່າງ ສປຊ ແລະ ບັນດາອົງການຈັດຕັ້ງຫຼາຍຝ່າຍອື່ນໆ.
        ກ່່ຽວກັບບັນດາການເຄື່ອນໄຫວລະອຽດ, ທ່ານ Guterres ໃຫ້ຮູ້ວ່າ ໃນປີ 2020, ສປຊ ຈະສຸມໃສ່ບັນດາຄວາມມານະພະຍາຍາມຊຸກຍູ້ການພົວພັນທາງການທູດຢ່າງແຮງກວ່າອີກ ເພື່ອສັນຕິພາບ; ຮຽກຮ້ອງໃຫ້ບັນດາປະເທດຄວນໃຫ້ຄໍາໝັ້ນສັນຍາຢ່າງແຮງກວ່າອີກ ນັບທັງການປະກາດດ້ານການເງິນໃນບັ້ນຮົບຕ້ານການປ່ຽນແປງຂອງດິນຟ້າອາກາດ ແລະ ເຂົ້າຮ່ວມບັນດາກອງປະຊຸມໃຫຍ່ໃນປີ 2020, ໂດຍສະເພາະແມ່ນກອງປະຊຸມສຸດຍອດ ສປຊ ກ່ຽວກັບການປ່ຽນແປງຂອງດິນຟ້າອາກາດ ເຊິ່ງຈະຈັດຂຶ້ນຢູ່ ອັງກິດ ຈະແມ່ນໂອກາດເພື່ອໃຫ້ມີການກະທໍາ; ສືບຕໍ່ມານະພະຍາຍາມສ້າງຂະບວນວິວັດແຫ່ງການຫັນເປັນໂລກາພິວັດຢ່າງຍຸຕິທໍາ ບໍ່ໃຫ້ຜູ້ໃດຖືກປະໄວ້ຢູ່ທາງຫຼັງ. ສປຊ ກໍໄດ້ວາງອອກ ທັດສະວັດແຫ່ງການເຄື່ອນໄຫວ ເພື່ອຫັນບັນດາເປົ້າໝາຍພັດທະນາແບບຍືນຍົງໃຫ້ປະກົດຜົນເປັນຈິງ.
 (ແຫຼ່ງຄັດຈາກ VOV)