09/11/2021 09:51 GMT+7 Email Print Like 0

ທ່ານນາຍົກລັດຖະມົນຕີ ຊີ້ນຳສືບຕໍ່ເພີ່ມທະວີການປະຕິບັດບັນດາມາດຕະການປ້ອງກັນ, ຕ້ານໂລກລະບາດໂຄວິດ - 19

      ວັນທີ 7 ພະຈິກ 2021, ຫ້ອງວ່າການລັດຖະບານ ຫາກໍ່ອອກປະກາດໂທລະເລກທາງການ ສົ່ງຄຳເຫັນຊີ້ນຳຂອງ ທ່ານນາຍົກລັດຖະມົນຕີ ກ່ຽວກັບການສືບຕໍ່ເພີມທະວີການປະຕິບັດບັນດາມາດຕະການປ້ອງກັນ, ຕ້ານໂລກລະບາດໂຄວິດ - 19.
ທ່ານນາຍົກລັດຖະມົນຕີ ຟ້າມມິງຈິງ ກ່າວຄຳເຫັນທີ່ກອງປະຊຸມ (ພາບ: VOV)
      ທ່ານນາຍົກລັດຖະມົນຕີ ຮຽກຮ້ອງຄະນະຊີ້ນຳກ່ຽວກັບການປ້ອງກັນ, ຕ້ານໂລກລະບາດໂຄວິດ - 19 ບັນດາແຂວງ, ນະຄອນຂຶ້ນກັບສູນກາງ ຊີ້ນຳການປະຕິບັດມະຕິເລກທີ 128 ລົງໃນວັນທີ 11 ເດືອນຕຸລາ ປີ 2021 ຂອງ ລັດຖະບານຢ່າງເຂັ້ມງວດ ກ່ຽວກັບການຮັບມືຢ່າງປອດໄພ, ມີໄຫວພິບ, ຄວບຄຸມໂລກລະບາດໂຄວິດ - 19 ຢ່າງມີປະສິດທິຜົນ; ຊີ້ນຳ, ແນະນຳຄະນະຊີ້ນຳ, ປ້ອງກັນຕ້ານໂລກລະບາດໂຄວິດ - 19 ຢູ່ທຸກຂັ້ນ ກະກຽມວິທີການ, ແຜນການປ້ອງກັນ, ຕ້ານໂລກລະບາດໂຄວິດ - 19 ໃນບໍລິເວນ ຢ່າງມີໄຫວພິບ, ມີວິທະຍາສາດ, ມີປະສິດທິຜົນ. ບັນດາແຂວງ, ນະຄອນຂຶ້ນກັບສູນກາງ ຊີ້ນຳຍົກສູງກຳລັງຄວາມສາມາດລະບົບສາທາລະນະສຸກ, ເປັນຕົ້ນແມ່ນສາທາລະນະສຸກຂັ້ນຮາກຖານ, ພາຍຫຼັງໄດ້ຮັບວັກຊິນຕ້ອງຈັດຕັ້ງການສັກວັກຊິນໂດຍໄວ, ທັນການ ແລະ ມີປະສິດທິຜົນ. ບັນດາກະຊວງ, ຄະນະຊີ້ນຳການປ້ອງກັນ, ຕ້ານໂລກລະບາດ, ຄະນະກຳມະການປະຊາຊົນທຸກຂັ້ນຕ້ອງເພີ່ມທະວີການກວດກາວຽກງານປ້ອງກັນ, ຕ້ານໂລກລະບາດໂຄວິດ - 19 ຢູ່ບັນດາອົງການ, ໜ່ວຍງານ, ອົງການຈັດຕັ້ງ, ວິສາຫະກິດ.
 (ແຫຼ່ງຄັດຈາກ VOV)