29/06/2019 11:49 GMT+7 Email Print Like 0

ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ເຂົ້າຣ່ວມບັນດາການເຄື່ອນໄຫວໃນຂອບເຂດກອງປະຊຸມ G20

      ວັນທີ 28 ມິຖຸນາຢູ່ສູນກອງປະຊຸມ Intex ຂອງນະຄອນ Osaka, ປະເທດຍີ່ປຸ່ນ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ເລີ່ມເຂົ້າຮ່ວມບັນດາການເຄື່ອນໄຫວຂອງກອງປະຊຸມ G20.

ຫງວຽນຊວັນຟຸກ ເຂົ້າຮ່ອມກອງປະຊຸມກ່ຽວກັບເສດຖະກິດດີຊີຕອນ
(ພາບ: TTXVN)
      ພາຍຫຼັງພິທີຕ້ອນຮັບທາງການ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ພ້ອມດ້ວຍບັນດາການນຳຂັ້ນສູງປະເທດຕ່າງໆ ໄດ້ເຂົ້າຮ່ວມວາລະປຶກສາຫາລືຫົວເລື່ອງສະເພາະກ່ຽວກັບເສດຖະກິດດີຈີຕອນ ໂດຍທ່ານນາຍົກລັດຖະມົນຕີຍີ່ປຸ່ນ Shinzo Abe ເປັນປະທານ.
  ໃນວາລະປະຊຸມທາງການຄັ້ງທຳອິດຂອງກອງປະຊຸມ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ພ້ອມດ້ວຍບັນດາການນຳ ໄດ້ປຶກສາຫາລືສະພາບການ, ແງ່ຫວັງເສດຖະກິດ, ການຄ້າ ແລະ ການລົງທຶນທົ່ວໂລກ.
 ກ່າວຄຳເຫັນທີ່ວາລະປະຊຸມກ່ຽວກັບການປ່ຽນແປງໃໝ່ຢ່າງມີຫົວຄິດປະດິດສ້າງໃນຕອນບ່າຍວັນທີ 28 ມິຖຸນາ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ຢືນຢັນວ່າ: ຫວຽດນາມ ແລະ ບັນດາປະເທດອາຊຽນ ພ້ອມແລ້ວທີ່ຈະຮ່ວມມືກັບບັນດາປະເທດ G20 ສົ່ງເສີມການການປ່ຽນແປງໃໝ່ຢ່າງມີຫົວຄິດປະດິດສ້າງ, ຍາດແຍ່ງຜົນປະໂຫຍດຂອງເສດຖະກິດດີຈີຕອນໃຫ້ຫຼາຍທີ່ສຸດ ແຕ່ຍັງຕ້ອງຮັບປະກັນການເຄົາລົບກົດໝາຍສາກົນ ແລະ ກົດໝາຍພາຍໃນປະເທດ. ໃນຕອນຄ່ຳຂອງວັນດຽວກັນ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ພ້ອມດ້ວຍບັນດາການນຳ ໄດ້ເຂົ້າຮ່ວມງານລ້ຽງທາງການຂອງກອງປະຊຸມໂດຍທ່ານນາຍົກລັດຖະມົນຕີຍີ່ປຸ່ນ Shinzo Abe ເປັນປະທານ. 
 (ແຫຼ່ງຄັດຈາກ VOV)