16/02/2019 11:14 GMT+7 Email Print Like 0

ທ່ານນາຍົກລັດຖະມົນຕີ ຫງວຽນຊວນຟຸກ ເຮັດວຽກກັບການນຳຫຼັກແຫຼ່ງແຂວງ ທ໊າຍບິ່ງ.

ແຂວງ ທ໊າຍບິ່ງ ໄດ້ບັນລຸ ແລະ ລຶ່ນກາຍ ຄາດໝາຍເສດຖະກິດສັງຄົມເກືອບທັງໝົດ ເມື່ອ ທຽບໃສ່ມະຕິ ທີ່ ກອງປະຊຸມໃຫຍ່ອົງຄະນະພັກແຂວງວາງອອກ.

ທ່ານນາຍົກລັດຖະມົນຕີ ຫງວຽນຊວນຟຸກ ກ່າວຄຳເຫັນທີ່ການເຮັດວຽກ 

ຕອນບ່າຍວັນທີ 14 ກຸມພາ, ຢູ່ແຂວງ ທ໊າຍບິ່ງ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ເປັນປະທານໃນການເຮັດວຽກລະຫວ່າງການນຳບັນດາກະຊວງ, ຂະແໜງກັບການນຳຫຼັກແຫຼ່ງແຂວງທ໊າຍ ບິ່ງ. ກ່າວຄຳເຫັນສະຫຼຸບການເຮັດວຽກ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຕີລາຄາວ່າ ແຂວງ ທ໊າຍບິ່ງ ໄດ້ບັນລຸ ແລະ ລຶ່ນກາຍຄາດໝາຍເສດຖະກິດສັງຄົມເກືອບທັງໝົດເມື່ອທຽບໃສ່ມະຕິທີ່ກອງປະຊຸມໃຫຍ່ອົງຄະນະພັກແຂວງວາງອອກ; ມີຫຼາຍຂົງເຂດ ແລະ ຄາດໝາຍແຖວໜ້າໃນທົ່ວປະເທດ, ໃນນັ້ນມີການກໍ່ສ້າງຊົນນະບົດໃໝ່. ໃນປີນີ້ ທາງແຂວງສູ້ຊົນມີ 100% ຈຳນວນຕາແສງທີ່ບັນລຸໄດ້ມາດຖານຊົນນະບົດໃໝ່, ແຂວງກໍ່ພວມມີບັນດາແຜນຜັງເມືອງເພື່ອພັດທະນາຖືກທິດ, ມີແບບມີແຜນ, ໃນນັ້ນມີເຂດອຸດສາຫະກຳທີ່ນຳໃຊ້ໃຫ້ແກ່ກະສິກຳເຂດທົ່ງພຽງພາກເໜືອ. ດ້ວຍເລື່ອງມານະພະຍາຍາມປັບປຸງສະພາບແວດລ້ອມແຫ່ງການລົງທຶນດຳເນີນທຸລະກິດ, ທາງແຂວງໄດ້ດຶງດູດນັກລົງທຶນເປັນຈຳນວນຫຼວງຫຼາຍ.

ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ຮຽກຮ້ອງແຂວງ ທ໊າຍບິ່ງ ສືບຕໍ່ພັດທະນາການຫັນກະສິກຳເປັນທັນສະໄໝ, ຜະລິດສິນຄ້າຂອບຂະໜາດໃຫຍ່, ໝູນໃຊ້ຄວາມກ້າວໜ້າດ້ານວິທະຍາສາດເຕັກນິກ, ຜົນງານຂອງຂະບວນການປະຕິວັດອຸດສາຫະກຳ 4.0 ເຂົ້າໃນການຜະລິດກະສິກຳ. ພ້ອມກັນນັ້ນ, ແມ່ນການພັດທະນາບັນດາຮູບແບບອຸດສາຫະກຳເພື່ອເສີມຂະຫຍາຍແຫຼ່ງແຮງງານຂອງ ແຂວງ ທ໊າຍບິ່ງ, ໃນນັ້ນມີອຸດສາຫະກຳເຕັກໂນໂລຢີສູງ, ຄຸນຄ່າເພີ່ມສູງ.

(ແຫຼ່ງຄັດຈາກ VOV)