ຂ່າວສານ

ທ່ານນາຍົກລັດຖະມົນຕີ ຫງວຽນຊວນຟຸກ ຕ້ອນຮັບທ່ານ ຮອງປະທານຜູ້ທີໜຶ່ງສະພາແຫ່ງລັດ ແລະ ສະພາລັດຖະມົນຕີ ກູບາ

15/09/2018

ທີ່ການຕ້ອນຮັບທ່ານ Salvadaor Valdes Mesa ຮອງປະທານຜູ້ທີໜຶ່ງສະພາແຫ່ງລັດ ແລະ ສະພາລັດຖະມົນຕີ ກູບາ ໃນວັນທີ 13 ກັນຍາ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ເນັ້ນໜັກວ່າ ປະຊາຊົນສອງຊາດ ຫວຽດນາມ - ກູບາ ຄວນສືບຕໍ່ຮັກສາ ແລະ ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືທີ່ເປັນມູນເຊື້ອອັນດີງາມ ລະຫວ່າງສອງປະເທດ. ທ່ານນາຍົກລັດຖະມົນຕີ ຢັ້ງຢືນວ່າ ຫວຽດນາມ ຖືເປັນສຳຄັນ ແລະ ຕັດສິນໃຈປັບປຸງການພົວພັນກັບ ກູບາ ໃນທຸກໆສະພາບການ.

(ພາບ: Thong Nhat/TTXVN)

ທ່ານນາຍົກລັດຖະມົນຕີ ສະເໜີທັງສອງຝ່າຍ ຊຸກຍູ້ເພີ່ມທະວີການແລກປ່ຽນບັນດາການຢ້ຽມຢາມຂອງຄະນະຜູ້ແທນແຕ່ລະຂັ້ນ; ສະເໜີ ໃຫ້ຈັດກອງປະຊຸມຄະນະກຳມະການລະຫວ່າງລັດຖະບານ ໃນທ້າຍປີນີ້ ເພື່ອກວດກາຕີລາຄາຄືນບັນດາເນື້ອໃນການຮ່ວມມື ແລະ ວາງອອກບັນດາທິດທາງການຮ່ວມມືໃໝ່; ໃນນັ້ນ, ເອົາໃຈໃສ່ຍົກສູງການຮ່ວມມືແທດຈິງໃນທຸກຂົງເຂດ; ສະໜັບສະໜູນເຊິ່ງກັນ ແລະ ກັນ ໃນບັນດາເວທີປາໄສສາກົນ.

ໂດຍຕາງໜ້າໃຫ້ພັກ, ລັດ ແລະ ປະຊາຊົນ ກູບາ ທ່ານຮອງປະທານ Salvadaor Valdes Mesa ໄດ້ຊີ້ແຈ້ງວ່າ ກູບາ ຍາມໃດກໍ່ໃຫ້ບຸລິມະສິດໃນການພັດທະນາການພົວພັນມິດຕະພາບກັບ ຫວຽດນາມ. ກູບາ ສົນໃຈຫຼາຍທີ່ສຸດໃນການຮ່ວມມືດ້ານການບິນກັບຫວຽດນາມ. ກູບາປາຖະໜາຢາກສ້າງຕັ້ງບໍລິສັດຮ່ວມທຸລະກິດກັບ ກຸ່ມບໍລິສັດຂອງຫວຽດນາມ, ຜ່ານນັ້ນເພີ່ມທະວີການເຄື່ອນໄຫວການທ່ອງທ່ຽວຂອງກູບາ. ເພື່ອປະຕິບັດໂຄງການນີ້, ກູບາ ມີຄວາມຕ້ອງການ ການສະໜັບສະໜູນ ແລະ ຮ່ວມມືຈາກ ບັນດາທະນາຄານຂອງຫວຽດນາມຫຼາຍທີ່ສຸດ.

(ແຫຼ່ງຄັດຈາກ VOV)

ປະທານາທິບໍດີ ແຟງລັງ ເປັນປະທານພິທີຕ້ອນຮັບທ່ານເລຂາທິການໃຫຍ່ ໂຕເລິມ ພ້ອມດ້ວຍພັນລະຍາ ແລະ ຄະນະຜູ້ແທນ ຫວຽດນາມ ຢ່າງເປັນທາງການ

21/10/2025
ຂ່າວສານ

ຕອນເຊົ້າວັນທີ 21 ຕຸລາ (ຕາມເວລາທ້ອງຖິ່ນ, ກົງກັບຕອນບ່າຍຕາມເວລາ ຮ່າໂນ້ຍ), ຢູ່ທຳນຽບປະທານາທິບໍດີ ຢູ່ ນະຄອນຫຼວງ Helsinki, ທ່ານປະທານາທິບໍດີ ສ. ແຟງລັງ Alexander Stubb ແລະ ພັນລະຍາ ໄດ້ເປັນປະທານພິທີຕ້ອນຮັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໂຕເລິມ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ມາຢ້ຽມຢາມ ແຟງລັງ ຢ່າງເປັນທາງການ ແຕ່ວັນທີ 20 – 22 ຕຸລາ.