ທ່ານນາຍົກລັດຖະມົນຕີ ຫງວຽນຊວນຟຸກ ຢ້ຽມຢາມ, ເຮັດວຽກຢູ່ກົມໃຫຍ່ສືບລາຊະການລັບປ້ອງກັນປະເທດ
(ທ່ານນາຍົກລັດຖະມົນຕີຫງວຽນຊວນຟຸກຢ້ຽມຢາມ,
ເຮັດວຽກຢູ່ກົມໃຫຍ່ສືບລາຊະການລັບປ້ອງກັນປະເທດ)
ຕອນເຊົ້າວັນທີ 23/01, ທ່ານນາຍົກລັດຖະມົນຕີ ຫງວຽນຊວນຟຸກ, ກຳມະການຜູ້ປະຈຳການຄະນະພັກການທະຫານສູນກາງ, ໄດ້ລົງຢ້ຽມຢາມ, ລະດົມກຳລັງໃຈ ແລະ ກວດກາວຽກງານກຽມພ້ອມການສູ້ຮົບຂອງກົມໃຫຍ່ສືບລາຊະການລັບປ້ອງກັນປະເທດ. ເມື່ອໂອ້ລົມກັບໝູ່ນາຍພົນ, ນາຍທະຫານ, ພະນັກງານຫຼັກແຫຼ່ງຂອງກົມໃຫຍ່ສືບລາຊະການລັບປ້ອງກັນປະເທດ, ທ່ານນາຍົກລັດຖະມົນຕີ ຫງວຽນຊວນຟຸກ ເນັ້ນໜັກວ່າ, ຍາມໃດພັກ, ລັດ ແລະ ກອງທັບ ກໍມີຄວາມໄວ້ເນື້ອເຊື່ອໃຈການສືບລາຊະການລັບປ້ອງກັນປະເທດ. ບົນພື້ນຖານນັ້ນ, ທ່ານນາຍົກລັດຖະມົນຕີສະເໜີໃຫ້ຂະແໜງສືບລາຊະການລັບປ້ອງກັນປະເທດຫວຽດນາມ ຕ້ອງເປັນເຈົ້າການ, ຕັ້ງໜ້າສ້າງແຜນການ, ໜ້າທີ່ໃຫ້ຕິດແທດກັບຕົວຈິງກວ່າ, ສູ້ຊົນສືບຕໍ່ສ້າງບັນດາຜົນງານໃໝ່, ປະກອບສ່ວນເຂົ້າໃນວິວັດການພັດທະນາເສດຖະກິດສັງຄົມ ແລະ ການປົກປັກຮັກສາປະເທດຊາດໃຫ້ຫຼາຍກວ່າອີກ. ຕາມທ່ານນາຍົກລັດຖະມົນຕີແລ້ວ, ອົງການສືບລາຊະການລັບປ້ອງກັນປະເທດ ຕ້ອງກາຍເປັນກຳລັງສຳຄັນຢ່າງແທ້ຈິງ ເຂົ້າຮ່ວມບັນດາຂົງເຂດເສດຖະກິດ, ວິທະຍາສາດ - ເຕັກໂນໂລຊີ; ປະຈັນບານ, ນຳໜ້າໃນການຄົ້ນພົບ, ສະກັດກັ້ນກົນອຸບາຍຫວັງມ້າງເພທຳລາຍຂອງບັນດາກຳລັງທີ່ເປັນປໍລະປັກໃນຂົງເຂດນີ້…
(ແຫຼ່ງຄັດຈາກ VOV)