ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ
ຕ້ອນຮັບ ສາດສະດາຈານ ຫງວຽນດຶກເຄືອງ
ຕອນບ່າຍວັນທີ 19/08, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ໃຫ້ການຕ້ອນຮັບປະທານສະມາຄົມວິທະຍາສາດ ແລະ ນັກຊ່ຽວຊານ ຫວຽດນາມ ຢູ່ ຝະລັ່ງ, ສາດສະດາຈານ ຫງວຽນດຶກເຄືອງ. ທີ່ການຕ້ອນຮັບ, ທ່ານນາຍົກລັດຖະມົນຕີຊົມເຊີຍສະມາຄົມວິທະຍາສາດ ແລະ ນັກຊ່ຽວຊານ ຫວຽດນາມ ຢູ່ ຝະລັ່ງ ແລະ ສາດສະດາຈານ ຫງວຽນດຶກເຄືອງ ໃນໄລຍະຜ່ານມາ ໄດ້ເຄື່ອນໄຫວຢ່າງຕັ້ງໜ້າ, ເຕົ້າໂຮມໄດ້ກຳລັງປັນຍາຊົນຊາວ ຫວຽດນາມ ຢູ່ ຝະລັ່ງ, ສ້າງຕາໜ່າງໜູນຊ່ວນເຊິ່ງກັນ ແລະ ກັນ ແລະ ປະກອບສ່ວນໃຫ້ແກ່ປະເທດຊາດໃນຫລາຍຂົງເຂດ, ນັບແຕ່ການພັດທະນາເສດຖະກິດ, ການສຶກສາຕະຫລອດຮອດການປົກປັກຮັກສາອະທິປະໄຕທະເລໝູ່ເກາະ. ທ່ານນາຍົກລັດຖະມົນຕີ ຫງວຽນຊວນຟຸກ ປາດຖະໜາວ່າ: ສະມາຄົມສືບຕໍ່ເສີມຂະຫຍາຍບັນດາໝາກຜົນທີ່ບັນລຸໄດ້ໃນໄລຍະຜ່ານມາ, ເປີດກ້ວາງຕາໜ່າງຂອງສະມາຄົມໃຫ້ແຂງແຮງກ່ວາອີກ. ທ່ານນາຍົກລັດຖະມົນຕີໃຫ້ຮູ້ວ່າ: ຈະສ້າງເງື່ອນໄຂເພື່ອໃຫ້ສະມາຄົມເຮັດວຽກກັບບັນດາກະຊວງ, ຂະແໜງການ, ຈາກນັ້ນ ຍົກອອກບັນດາຂໍ້ສະເໜີເພື່ອຍົກສູງປະສິດທິຜົນການເຄື່ອນໄຫວຂອງບັນດາຂົງເຂດດັ່ງກ່າວ.
ສ່ວນທ່ານສາດສະດາຈານ ຫງວຽນດຶກເຄືອງ ກໍ່ໃຫ້ຮູ້ວ່າ: ບັນດານັກວິທະຍາສາດ, ນັກປັນຍາຊົນ ແລະ ປະຊາຄົມຊາວ ຫວຽດນາມ ອາໄສຢູ່ຕ່າງປະເທດ ຍາມໃດກໍ່ມີຄວາມເອກອ້າງທະນົງໃຈທີ່ເປັນຊາວ ຫວຽດນາມ ແລະ ຍາມໃດກໍ່ປາດຖະໜາຢາກອຸທິດສ່ວນໃຫ້ແກ່ການພັດທະນາຂອງປະເທດຊາດ.
ສ່ວນທ່ານສາດສະດາຈານ ຫງວຽນດຶກເຄືອງ ກໍ່ໃຫ້ຮູ້ວ່າ: ບັນດານັກວິທະຍາສາດ, ນັກປັນຍາຊົນ ແລະ ປະຊາຄົມຊາວ ຫວຽດນາມ ອາໄສຢູ່ຕ່າງປະເທດ ຍາມໃດກໍ່ມີຄວາມເອກອ້າງທະນົງໃຈທີ່ເປັນຊາວ ຫວຽດນາມ ແລະ ຍາມໃດກໍ່ປາດຖະໜາຢາກອຸທິດສ່ວນໃຫ້ແກ່ການພັດທະນາຂອງປະເທດຊາດ.
(ແຫຼ່ງຄັດຈາກ VOV)
