11/12/2021 00:09 GMT+7 Email Print Like 0

ທ່ານນາງຮອງປະທານປະເທດເຂົ້າຮ່ວມພິທີເຊີດຊູປັນຍາຊົນດີເດັ່ນຂະແໜງການແພດ 87 ຄົນ

      ຕອນເຊົ້າວັນທີ 10 ທັນວາ, ຢູ່ຮ່າໂນ້ຍ, ສະມາຄົມໃຫຍ່ແພດສາດ ຫວຽດນາມ ໄດ້ຈັດພິທີເຊີດຊູປັນຍາຊົນດີເດັ່ນຂະແໜງການແພດຄັ້ງທີ 2 ຈຳນວນ 87 ຄົນ, ຮັບຫຼຽນໄຊແຮງງານຊັ້ນສອງ;
ທ່ານນາງ ຫວໍທິແອັງຊວັນ ຮອງປະທານປະເທດ ຫວຽດນາມ ມອບຫຼຽນໄຊແຮງງານຂັ້ນສອງ
ໃຫ້ສະມາຄົມໃຫຍ່ແພດສາດ ຫວຽດນາມ (ພາບ:
TTXVN)
      ນາມມະຍົດປັນຍາຊົນດີເດັ່ນໄດ້ຈັດຂຶ້ນ 2 ປີ ເທື່ອໜຶ່ງ, ບໍ່ພຽງແຕ່ນຳມາເຊິ່ງຄວາມເອກອ້າງທະນົງໃຈໃຫ້ສ່ວນບຸກຄົນເທົ່ານັ້ນ ຫາກຍັງແມ່ນຄວາມເປັນກຽດ ແລະຄວາມຮັບຜິດຊອບອັນໃຫຍ່ຫຼວງສຳລັບສະມາຄົມໃຫຍ່ແພດສາດ ຫວຽດນາມ, ເສີມຂະຫຍາຍກຳລັງແຮງປະດິດຄິດສ້າງ, ສະຕິປັນຍາຂອງຖັນແຖວປັນຍາຊົນ, ນັກຊ່ຽວຊາຍແຖວໜ້າຂະແໜງ, ປະກອບສ່ວນຍົກສູງຄຸນນະພາບທາງດ້ານວິຊາສະເພາະການແພດຕື່ມອີກ. ທ່ານສາດສະດາຈານ, ປ.ອ ຟ້າມເຍິດອານ, ຮອງປະທານທັງເປັນເລຂານຸການໃຫຍ່ ສະມາຄົມຂະແໜງເດັກ ຫວຽດນາມ ແມ່ນໜຶ່ງໃນ ຈຳນວນປັນຍາຊົນດີເດັ່ນ 87 ຄົນ ທີ່ໄດ້ຮັບການເຊີດຊູໃນຄັ້ງນີ້ ແບ່ງປັນວ່າ:
      ໃນສະພາບທີ່ຂະແໜງການແພດ ພວມປະສົບກັບຄວາມຫຍຸ້ງຍາກ, ໂດຍເປັນໜຶ່ງໃນບັນດາກຳລັງຫຼັກແຫຼ່ງທີ່ເຂົ້າຮ່ວມການປ້ອງກັນ, ຕ້ານໂລກລະບາດໂຄວິດ - 19 ນີ້ແມ່ນການໃຫ້ກຳລັງໃຈ ແລະ ສົ່ງເສີມຖັນແຖວປັນຍາຊົນຂະແໜງການແພດໃນທົ່ວປະເທດ ສືບຕໍ່ຕັ້ງໜ້າປະກອບສ່ວນເຂົ້າໃນພາລະກິດຮັກສາ ແລະ ເບິ່ງແຍງດູແລສຸຂະພາບຂອງປະຊາຊົນ. ໃນນັ້ນ, ສືບຕໍ່ອຸທິດສ່ວນຫຼາຍກ່ວາອີກ ເພື່ອປ້ອງກັນ, ຕ້ານພະຍາດໂຄວິດ - 19.
ຕາງໜ້າໃຫ້ການນຳພັກ, ລັດ, ທ່ານນາງ ຫວໍທິແອັງຊວັນ ຮອງປະທານປະເທດ ຫວຽດນາມ ໄດ້ມອບຫຼຽນໄຊແຮງງານຂັ້ນສອງ ໃຫ້ສະມາຄົມໃຫຍ່ແພດສາດ ຫວຽດນາມ.
(ແຫຼ່ງຄັດຈາກ VOV)