ຂ່າວສານ

ຊຸກຍູ້ການຄ້າຜະລິດຕະພັນກະເສດ ຫວຽດນາມ - ຈີນ ໃນສະພາບການໂລກລະບາດໂຄວິດ-19

17/04/2020

ຕອນເຊົ້າວັນທີ 16 ເມສາ, ທີ່ຮ່າໂນ້ຍ, ທ່ານ ຫງວຽນຊວັນເກື່ອງ, ລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ຫວຽດນາມ ໄດ້ມີການເຮັດວຽກກັບ ທ່ານ ສູ໊ງກົວ ເອກອັກຄະລັດຖະທູດ ຈີນ ປະຈຳ ຫວຽດນາມ ກ່ຽວກັບການຊຸກຍູ້ການຮ່ວມມືພັດທະນາກະສິກຳ ແລະ ການຄ້າຜະລິດຕະພັນກະເສດລະຫວ່າງ ຫວຽດນາມ ແລະ ຈີນ ຕໍ່ໜ້າຜົນກະທົບຂອງໂລກລະບາດໂຄວິດ-19.

(ພາບປະກອບ)

ເປີດປະຕູຕະຫລາດບັນດາປະເພດສິນຄ້າຜະລິດຕະພັນກະເສດ, ສິນໃນນ້ຳ, ພັດທະນາການຄ້າຊາຍແດນ ແມ່ນເນື້ອໃນຕົ້ນຕໍ ຈະໄດ້ນຳມາປຶກສາຫາລືທີ່ການເຮັດວຽກລະຫວ່າງ 2 ຝ່າຍ. ຕາມນັ້ນແລ້ວ, ສະເໜີໃຫ້ສ້າງບັນຊີລາຍຊື່ບັນດາວິສາຫະກິດສົ່ງອອກ ທີ່ໄດ້ຊົມໃຊ້ຂໍ້ກຳນົດບຸລິມະສິດຍົກເວັ້ນການກວດກາ ເພື່ອຫລຸດຜ່ອນເວລາເຮັດລະບຽບການຜ່ານແດນຢູ່ດ່ານຊາຍແດນລົງ; ເຫັນດີເປັນເອກະພາບຕໍ່ບາງປະເພດສິນຄ້າທີ່ໄດ້ດກຳນົດຂອງບັນດາວິສາຫະກິດ ແລະ 2 ຝ່າຍຢັ້ງຢືນໝາກຜົນການກັກກັນພະຍາດຂອງກັນ ເຊິ່ງບໍ່ຕ້ອງກັກກັນພະຍາດສຳລັບສິນຄ້າ ຫວຽດນາມ ສົ່ງອອກ.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.