ໃນແຈ້ງການພິເສດຂອງສື່ມວນຊົນ, ກະຊວງການຕ່າງປະເທດຈີນ ໃຫ້ຮູ້ວ່າ ບັນດາເຈົ້າໜ້າທີ່ຂັ້ນສູງຂອງປະເທດຈີນ ແລະ ອິນເດຍ ບັນລຸໄດ້ຄວາມເຫັນດີເຫັນພ້ອມທີ່ສໍາຄັນກ່ຽວກັບບັນດາບັນຫາຊາຍແດນໃນກອງປະຊຸມ ເຊິ່ງໄດ້ຈັດຂຶ້ນໃນວັນທີ 24 ພະຈິກ.          ຕາມແຈ້ງການແລ້ວ, ສອງຝ່າຍເຫັນດີເປັນເອກະພາບ ສືບຕໍ່ຊຸກຍູ້ວິວັດການເຈລະຈາຂັ້ນຜູ້ຕາງໜ້າພິເສດເໝາະສົມກັບບັນດາຄວາມເຫັນດີທີ່ສໍາຄັນ ເຊິ່ງ ທ່ານປະທານປະເທດ ຈີນ ສີຈິ້ນຜີງ ແລະ ທ່ານນາຍົກລັດຖະມົນຕີ ອິນເດຍ Narendra Modi ບັນລຸໄດ້ ກ່ຽວກັບການແກ້ໄຂບັນດາບັນຫາຊາຍແດນໃຫ້ສົມເຫດສົມຜົນ ແລະ ຊຸກຍູ້ການພົວພັນລະຫວ່າງຈີນ ແລະ ອິນເດຍ,  ເພື່ອແນໃສ່່ບັນລຸໄດ້ບັນດາວິທີການແກ້ໄຂທີ່ຍຸຕິທໍາ, ເໝາະສົມ ແລະ ທັງສອງຝ່າຍລ້ວນແຕ່ຍອມຮັບໄດ້ ຍິ່ງໄວກໍຍິ່ງດີ. ແຈ້ງການດັ່ງກ່າວ ກໍໄດ້ເນັ້ນໜັກວ່າ ສອງປະເທດຈະພ້ອມກັນປ້ອງກັນຄວາມສະຫງົບຢູ່ບັນດາເຂດຊາຍແດນ ກ່ອນທີ່ບັນລຸໄດ້ວິທີແກ້ໄຂສຸດທ້າຍ ສໍາລັບບັນຫາຊາຍແດນ.