ຫໍປະຊຸມໃຫຍ່ປະຊາຊົນຢູ່ນະຄອນຫຼວງ ບັກກິ່ງ
(ພາບ: ສຳນັກຂ່າວສານຊີນຮວາ)
ຕອນເຊົ້າວັນທີ 5/3, ທີ່ຫໍປະຊຸມໃຫຍ່ປະຊາຊົນຢູ່ນະຄອນຫຼວງ ບັກກິ່ງ, ວາລະປະຊຸມປະຈຳປີຄັ້ງທີ 5 ສະພາຜູ້ແທນປະຊາຊົນແຫ່ງຊາດ ຈີນ (ໝາຍເຖິງສະພາແຫ່ງຊາດ) ຊຸດທີ 12 ໄດ້ໄຂຂຶ້ນຢ່າງເປັນທາງການ. ທີ່ກອງປະຊຸມຄັ້ງນີ້, ທ່ານເລຂາທິການໃຫຍ່, ປະທານປະເທດ ສີຈິ້ນຜິງ, ທ່ານນາຍົກລັດຖະມົນຕີ ຫຼີເຄີຊຽນ, ທ່ານປະທານສະພາແຫ່ງຊາດ ຈາງຕື໋ຈຽນ, ທ່ານປະທານສະພາປຶກສາການເມືອງ ປະຊາຊົນແຫ່ງຊາດ ເຢົ໋າເຈີງຊິງແລະ ການນຳຂັ້ນສູງຂອງພັກ, ລັດ, ພ້ອມກັບຜູ້ແທນປະມານ 2.900 ຄົນທີ່ຕາງໜ້າໃຫ້ປະຊາຊົນທຸກຊັ້ນວັນນະຂອງ ຈີນ ຈະໄດ້ຮັບຟັງ ແລະ ຕີລາຄາບົດລາຍງານ 6 ສະບັບ, ໃນນັ້ນລວມມີ: ບົດລາຍງານວຽກງານຂອງລັດຖະບານປີ 2016, ແຜນການພັດທະນາເສດຖະກິດ - ສັງຄົມແຫ່ງຊາດ, ງົບປະມານຂອງບັນດາທ້ອງຖິ່ນ ແລະ ສູນກາງ, ບົດລາຍງານຂອງຄະນະປະຈຳສະພາຜູ້ແທນປະຊາຊົນແຫ່ງຊາດ, ບົດລາຍງານຂອງສານສູງສຸດ ແລະ ບົດລາຍງານຂອງອົງການໄອຍະການປະຊາຊົນສູງສຸດ.
(ແຫຼ່ງຄັດຈາກ VOV)
