ແຂກມາຊົມຮູບພາບກ່ຽວກັບພົນເອກ ຫວໍງວຽນຢາບ
ພາບ:tuyengiao.vn
ຕອນບ່າຍວັນທີ 25/8 ກົງກັບວັນຄ້າຍວັນເກີດຂອງ ພົນເອກ ຫວໍງວຽນຢາບ (25/8/1911-25/8/2016), ງານວາງສະແດງວິຈິດສິນ ແລະ ພາບຖ່າຍ “ພົນເອກຫວໍງວຽນຢາບ- ຮູບພາບແຫ່ງເທບນິຍາຍ” ໄດ້ໄຂຂຶ້ນຢູ່ ຫໍວາງສະແດງ ເລກທີ 45 ຈາງຕຽນ ຮ່າໂນ້ຍ. ໃນງານວາງສະແດງນີ້ ໄດ້ວາງສະແດງພາບຖ່າຍ 103 ແຜ່ນ ໂດຍໄດ້ຮັບການຊັບຊ້ອນຕາມບັນດາຫົວເລື່ອງ: ພົນເອກຫວໍງວຽນຢາບ ນັບແຕ່ເມື່ອສ້າງຕັ້ງກອງທັບປະຊາຊົນ ຕະຫລອດຮອດ ບັນດາບັ້ນຮົບໃນການຕໍ່ຕ້ານຕ້ານພວກລ່າເມືອງຂຶ້ນຝລັ່ງ; ພົນເອກ ຫວໍງວຽນຢາບ ໃນແນວຄິດຈິດໃຈຂອງປະຊາຊົນ ແລະ ອາລົມຈິດເພື່ອນມິດສາກົນ. ນີ້ແມ່ນບັນດາຮູບພາບທີ່ພົ້ນເດັ່ນກ່ຽວກັບຊີວິດ ແລະ ພາລະກິດຂອງພົນເອກ ຫວໍງວຽນຢາບ, ວາດພາບເຖິງຮູບພາບຂອງນັກຍຸດທະສາດການທະຫານທີ່ປີຊາສາມາດ, ນາຍພົນແຫ່ງເທບນິຍາຍ, ຜູ້ບັນຊາການສູງສຸດຂອງກອງທັບປະຊາຊົນວິລະຊົນໃນສົງຄາມປະຕິວັດຍາດເອົາເອກະລາດ, ເອກະພາບ ແລະສ້າງສາປະເທດຊາດໃນສັນຕິພາບ, ອາລົມຈິດຄວາມຮັກແພງ ແລະ ເຄົາລົບນັບຖືຂອງທະຫານ ແລະ ປະຊາຊົນຫລາຍລຸ້ນຄົນ, ຂອງເພື່ອນມິດສາກົນທີ່ສະຫງວນໃຫ້ພົນເອກ ຫວໍງວຽນຢາບ. ງານວາງສະແດງດັ່ງກ່າວໂດຍສູນຮູບພາບຂອງສຳນັກຂ່າວສານຫວຽດນາມ ແລະ ບໍລິສັດສິລະປະເຕີນຮ່າໂນ້ຍ ຈຳກັດສົມທົບກັນຈັດຕັ້ງ.
ພາບ:tuyengiao.vn
(ແຫຼ່ງຄັດຈາກ VOV)
