23/07/2019 10:48 GMT+7 Email Print Like 0

ງານປະກວດສຽງເພງ ອາຊຽນ + 3: ຊອກຫາຜູ້ໜຸ່ມທີ່ມີຄວາມເກັ່ງກ້າສາມາດໃນ ປະຊາຄົມ ອາຊຽນ

      ງານປະກວດສຽງເພງ ອາຊຽນ + 3 ປີ 2019 ແມ່ນແຂ່ງຂັນສະຫງວນໃຫ້ບັນດານັກຮ້ອງໜຸ່ມອາຊີບໃນການຂັບຮ້ອງບັນດາບົດເພງ Pop ທີ່່ມີອາຍຸແຕ່ 18 – 35 ປີ, ມາຈາກ 10 ປະເທດ ອາຊຽນ ເຊິ່ງຈະຖືກດໍາເນີນໃນລະຫວ່າງວັນທີ 26 – 29 ກໍລະກົດ, ຢູ່ນະຄອນ ຮ້າລອງ, ແຂວງກວາງນິງຂອງຫວຽດນາມ. 

ການຖະແຫຼງຂ່າວ ແນະນໍາກ່ຽວກັບ ງານປະກວດສຽງເພງ ອາຊຽນ + 3 ປີ 2019 ໂດຍວິທະຍຸກະຈາຍສຽງຫວຽດນາມ
ຈັດຂຶ້ນໃນວັນທີ 22 ກໍລະກົດ 
      ຄະນະກໍາມະການໄດ້ຄັດເລືອກເອົາ 22 ນັກຮ້ອງທີ່ດີເດັ່ນກວ່າໝູ່ ເພື່ອພ້ອມກັນແຂ່ງຂັນໃນຮອບຮອງຊະນະເລີດ ແລະ ຮອບຊີງຊະນະເລີດ ເຊິ່ງຈະຖືກຈັດຂຶ້ນໃນວັນທີ 27 – 28 ກໍລະກົດ. ນີ້ແມ່ນຂ່າວຄາວທີ່ໄດ້ປະກາດໃນການຖະແຫຼງຂ່າວ ແນະນໍາກ່ຽວກັບ ງານປະກວດສຽງເພງ ອາຊຽນ + 3 ປີ 2019 ໂດຍວິທະຍຸກະຈາຍສຽງຫວຽດນາມ ຈັດຂຶ້ນໃນວັນທີ 22 ກໍລະກົດ.
        ກ່າວຄໍາເຫັນທີ່ການຖະແຫຼງຂ່າວ, ທ່ານ ໂງມິງຫຽນ, ຮອງຜູ້ອໍານວຍການໃຫຍ່ ວິທະຍຸກະຈາຍສຽງຫວຽດນາມ, ຫົວໜ້າຄະນະຈັດຕັ້ງງານປະກວດຄັ້ງນີ້ ໃຫ້ຮູ້ວ່າ:
        “ວິທະຍຸກະຈາຍສຽງຫວຽດນາມ ຢາກຈັດຕັ້ງເວທີປາໄສແລກປ່ຽນວັດທະນະທໍາຂອງບັນດາປະເທດ ອາຊຽນ ຜ່ານສຽງເພງ. ຜ່ານນັ້ນ, ປະກອບສ່ວນເພີ່ມທະວີການພົວພັນສັນຕິພາບ, ມິດຕະພາບ ລະຫວ່າງບັນດາປະເທດໃນກຸ່ມ ອາຊຽນ ເວົ້າສະເພາະ ແລະ ສະແດງໃຫ້ເຫັນທີ່ຕັ້ງ, ບົດບາດຂອງຫວຽດນາມ ພາຍໃນກຸ່ມ ອາຊຽນ ເວົ້າລວມ. ງານປະກວດສຽງເພງ ອາຊຽນ +3 ມີຄວາມໝາຍແທດຈິງຫຼາຍຢ່າງ ບໍ່ພຽງແຕ່ກ່ຽວກັບດ້ານວັດທະນະທໍາ, ການບັນເທິງ ເທົ່ານັ້ນ ຫາກຍັງມີຄວາມສໍາຄັນດ້ານການເມືອງ, ການຕ່າງປະເທດອີກດ້ວຍ”.
        ໃນຄໍ່າຄືນຈັດຮອບຊີງຊະນະເລີດ, ນອກຈາກການແຂ່ງຂັນຂອງບັນດານັກຮ້ອງ ແລ້ວ,ຍັງມີບັນດາລາຍການສະແດງສິລະປະຂອງບັນດານັກຮ້ອງທີ່ເປັນແຂກຖືກເຊີນຈາກ ຈີນ, ສ.ເກົາຫຼີ ແລະ ຍີ່ປຸ່ນ ອີກດ້ວຍ ອາດຈະນໍາມາໃຫ້ທ່ານຜູ້ຊົມບັນດາລາຍການສະແດງສິລະປະທີ່ໜ້າປະທັບໃຈ, ສ້າງບັນຍາກາດດົນຕີທີ່ຫຼາກຫຼາຍສີສັນຜ່ານຫຼາຍພາສາທີ່ແຕກຕ່າງກັນ.
        ງານປະກວດສຽງເພງ ອາຊຽນ + 3 ໂດຍວິທະຍຸກະຈາຍສຽງຫວຽດນາມ ຈັດຕັ້ງຄັ້ງທໍາອິດໃນປີ 2017, ຢູ່ ເຊີ່ມເຊີນ, ແຂວງແທັງຮວ໊າຂອງຫວຽດນາມ.
 (ແຫຼ່ງຄັດຈາກ VOV)