22/04/2019 10:05 GMT+7 Email Print Like 0

ງານບຸນຈ່າງອານປີ 2019

ຕອນເຊົ້າວັນທີ 21 ເມສາ ຢູ່ເຂດທັດສະນີຍະພາບ ຈ່າງອານ ແຂວງ ນີງບີງ ໄດ້ດຳເນີນງານບຸນ ຈ່າງອານ ປີ 2019. ງານບຸນແມ່ນເພື່ອສະເຫລີມສະຫລອງ 5 ປີແຫ່ງວັນ UNESCO ຮັບຮອງກຸ່ມທັດສະນີຍະພາບ ຈ່າງອານ ແມ່ນມໍລະດົກທຳມະຊາດໂລກ.


ທັດສະນິຍະພາບ ຈ່າງອານ

ພາບ:(laodong.vn)

ທີ່ງານບຸນ ແຂກມາຮ່ວມໄດ້ຊົມບັນດາມໍລະດົກວັດທະນະທຳບໍ່ເປັນວັດຖຸ, ບັນດາສິ່ງຍອດຍິ່ງຂອງຫລາຍຮູບການດົນຕີພື້ນເມືອງ, ສິ່ງຍອດຍິ່ງດ້ານວັດທະນະທຳທີ່ເຕົ້າໂຮມຢູ່ເມືອງຫລວງເກົ່າຂອງບັນດາເຈົ້າຊີວິດສະໄຫມເລ, ຫລີ, ດີງ.

 

ງານບຸນຈ່າງອານ ແມ່ນການເຄື່ອນໄຫວເພື່ອອາໄລຫາຄຸນງາມຄວາມດີຂອງເທວະດາ ກູຍມີງ ພ້ອມກັບບັນພະບຸລຸດທີ່ໄດ້ມີຄຸນງາມຄວາມດີຕໍ່ກັບປະເທດຊາດ, ຕໍ່ກັບປະຊາຊົນ. ປີນີ້ ເລື່ອງຈັດຕັ້ງງານບຸນດັ່ງກ່າວ ຍັງມີຄວາມໝາຍສຳຄັນຫນຶ່ງອີກ ແມ່ນສະເຫລີມສະຫລອງ 5 ປີແຫ່ງວັນ ຈ່າງອານ ໄດ້ຮັບການຮັບຮອງຈາກ UNESCO ວ່າແມ່ນມໍລະດົກທຳມະຊາດຂອງໂລກ.

(ແຫຼ່ງຄັດຈາກ VOV)