05/07/2021 09:09 GMT+7 Email Print Like 0

ຄົນເຈັບຕິດເຊື້ອໂຄວິດ - 19 ສາມຄົນຢູ່ ຮຶງອຽນ, ບັກນິງ ແລະ ລອງອານເສຍຊີວິດ

      ນັບແຕ່ເວລາ 6 ໂມງເຊົ້າຫາເວລາ 12 ໂມງຂອງວັນທີ 4 ກໍລະກົດ, ກະຊວງສາທາລະນະສຸກຫວຽດນາມໃຫຫ້ຮູ້ວ່າ  ຫວຽດນາມຢັ້ງຢືນມີຜູ້ຕິດເຊື້ອໂຄວິດ -19 ຕື່ມອີກ 260 ກໍລະນີຢູ່ 13 ທ້ອງຖິ່ນ
(ພາບປະກອບ)
      ນະຄອນໂຮ່ຈີມິນຍັງຄົງແມ່ນທ້ອງຖິ່ນມີຈຳນວນຜູ້ຕິດເຊື້ອຫຼາຍກວ່າໝູ່ ດ້ວຍຈຳນວນ 213 ກໍລະນີ. ບັນດາກໍລະນີຕິດເຊື້ອໂຄວິດ - 19 ທີ່ຍັງເຫຼືອລວມມີ 6 ກໍລະນີ ມາຈາກຕ່າງປະເທດ ແລະ ຢູ່ແຂວງກຽນຢາງ; 41 ກໍລະນີອື່ນຢູ່ແຂວງຕ່າງໆຄືບິ່ງເຢືອງ 11 ກໍລະນີ, ຝູອຽນ 10 ກໍລະນີ, ລອງອານ 5 ກໍລະນີ, ບິ່ງດິ້ງ 4 ກໍລະນີ, ຫວິງລອງ, ຫ໋າຍຟ່ອງ, ບັກຢ່າງ, ເຕິຍນິງທ້ອງຖິ່ນລະ 2 ກໍລະນີ; ນິງທ້ວນ ຮ່າຕິ໊ງ ຈ່າວິງ ທ້ອງຖິ່ນລະ 1 ກໍລະນີ, ໃນນັ້ນ 240 ກໍລະນີຖືກກວດພົບໃນເຂດແຍກຕົວຫຼືເຂດຈຳກັດບໍລິເວນ.
      ແລະກໍ່ໃນຕອນເຊົ້ົາວັນທີ  4 ກໍລະກົດ ຫວຽດນາມຢັ້ງຢືນມີຜູ້ເສຍຊີວິດຕື່ມອີກ 3 ກໍລະນີຢູ່ແຂວງ ຮຶງອຽນ, ບັກນິງ ແລະ ລອງອານເຊິ່ງລ້ວນແຕ່ແມ່ນຄົນເຈັບທີ່ມີອາຍຸສູງຫຼືຕິດພະຍາດອື່ນໆອີກ. ເປັນອັນວ່າໄລ່ຮອດເວລາ 12 ໂມງຕອນທ່ຽງຂອງວັນທີ 4 ກໍລະກົດຫວຽດນາມມີຜູ້ຕິດເຊື້ອໂຄວິດ -19 ທັງໝົດ 19.570 ກໍລະນີໃນນັ້ນມີ 7.643 ກໍລະນີໄດ້ຮັບການປິ່ນປົວຫາຍດີແລະ 86 ກໍລະນີເສຍຊີວິດ.
(ແຫຼ່ງຄັດຈາກ VOV)