07/12/2021 22:14 GMT+7 Email Print Like 0

ຄະນະຜູ້ແທນສະມາຄົມມິດຕະພາບ ຫວຽດນາມ - ລາວ ເຂົ້າຢ້ຽມຂ່ຳນັບ ທ່ານປະທານສະພາແຫ່ງຊາດ ລາວ ໄຊສົມພອນ ພົມວິຫານ

      ສ່ວນທ່ານ ໄຊສົມພອນ ພົມວິຫານ ໄດ້ຢັ້ງຢືນການເຄື່ອນໄຫວຂອງ ສອງສະມາຄົມ ໄດ້ປະກອບສ່ວນເຮັດໃຫ້ນ້ຳໃຈສາມັກຄີພິເສດ ລະຫວ່າງສອງພັກ, ສອງລັດ ແລະ ປະຊາຊົນສອງປະເທດເລິກເຊິ່ງກ່ວາອີກ. ທ່ານ ໄຊສົມພອນ ພົມວິຫານ ກໍ່ເນັ້ນໜັກວ່າ ສາຍພົວພັນ ລາວ - ຫວຽດນາມ ແມ່ນພິເສດ, ມີແຕ່ໜຶ່ງບໍ່ມີສອງ
ທ່ານປະທານສະພາແຫ່ງຊາດ ລາວ ໄຊສົມພອນ ພົມວິຫານ ແລະ ທ່ານ ເຈິ່ນວັນຕຸ້ຍ,
ຫົວໜ້າສະມາຄົມມິດຕະພາບ ຫວຽດນາມ - ລາວ (ພາບ: TTXVN)
      ໃນຂອບເຂດການຢ້ຽມຢາມຫວຽດນາມ ຢ່າງເປັນທາງການໃນລະຫວ່າງວັນທີ 6 – 8 ທັນວາ ຂອງທ່ານປະທານສະພາແຫ່ງຊາດ ລາວ ໄຊສົມພອນ ພົມວິຫານ ພ້ອມດ້ວຍຄະນະຜູ້ແທນຂັ້ນສູງລາວ, ຕອນເຊົ້າວັນທີ 7 ທັນວາ ຢູ່ຮ່າໂນ້ຍ, ຄະນະຜູ້ແທນສູນກາງສະມາຄົມມິດຕະພາບ ຫວຽດນາມ - ລາວ ໂດຍທ່ານ ເຈິ່ນວັນຕຸ້ຍ, ຫົວໜ້າສະມາຄົມມິດຕະພາບ ຫວຽດນາມ - ລາວເປັນຫົວໜ້າຄະນະ ໄດ້ເຂົ້າຢ້ຽມຂ່ຳນັບ. ທ່ານປະທານສະມາຄົມມິດຕະພາບ ຫວຽດນາມ - ລາວ ເຈິ່ນວັນຕຸຍ ໄດ້ຢັ້ງຢືນເຖິງການຖືເປັນສຳຄັນຂອງ ພັກ, ລັດລາວ ແລະ ສະຫາຍໄຊສົມພອນ ພົມວິຫານ ທີ່ມີຕໍ່ການພົວພັນລະຫວ່າງ ສອງປະເທດ, ທ່ານສະແດງຄວາມເຊື່ອມໝັ້ນວ່າ, ການຢ້ຽມຢາມຄັ້ງນີ້ ຈະສ້າງພື້ນຖານການເມືອງຢ່າງໝັ້ນແກ່ນ ແລະ ຊຸກຍູ້ການພົວພັນລະຫວ່າງສອງປະເທດໃຫ້ດີກ່ວາອີກ. ທ່ານປະທານສະມາຄົມ ເຈິ່ນວັນຕຸຍ ຫວັງວ່າ ຈະສືບຕໍ່ໄດ້ຮັບການເອົາໃຈໃສ່, ຊີ້ນຳ, ສ້າງເງື່ອນໄຂສະດວກຂອງ ການນຳສອງປະເທດ, ໃນນັ້ນມີທ່ານປະທານສະພາແຫ່ງຊາດລາວ ໄຊສົມພອນ ພົມວິຫານ.
      ສ່ວນທ່ານ ໄຊສົມພອນ ພົມວິຫານ ໄດ້ຢັ້ງຢືນການເຄື່ອນໄຫວຂອງ ສອງສະມາຄົມ ໄດ້ປະກອບສ່ວນເຮັດໃຫ້ນ້ຳໃຈສາມັກຄີພິເສດ ລະຫວ່າງສອງພັກ, ສອງລັດ ແລະ ປະຊາຊົນສອງປະເທດເລິກເຊິ່ງກ່ວາອີກ. ທ່ານ ໄຊສົມພອນ ພົມວິຫານ ກໍ່ເນັ້ນໜັກວ່າ ສາຍພົວພັນ ລາວ - ຫວຽດນາມ ແມ່ນພິເສດ, ມີແຕ່ໜຶ່ງບໍ່ມີສອງ; ດັ່ງນັ້ນສາຍພົວພັນລະຫວ່າງສອງສະມາຄົມສອງປະເທດແມ່ນສຳຄັນທີ່ສຸດ, ປະກອບສ່ວນເຂົ້າໃນພາລະກິດລວມຂອງສອງປະເທດ; ຢັ້ງຢືນຈະເຮັດຈົນສຸດຄວາມສາມາດຂອງຕົນ ເພື່ອຊຸກຍູ້ການພົວພັນມິດຕະພາບແບບພິເສດ ລະຫວ່າງ ລາວ - ຫວຽດນາມ ໃນໄລຍະຈະມາເຖິງ.
(ແຫຼ່ງຄັດຈາກ VOV)