15/04/2020 22:02 GMT+7 Email Print Like 0

ຄະນະປະຈຳສະພາແຫ່ງຊາດຄາດວ່າຈະຈັດຕັ້ງກອງປະຊຸມໃນວັນທີ 20 ເມສາຈະມາເຖິງ

      ຕາມການຄາດຄະເນແລ້ວ, ກອງປະຊຸມຄັ້ງທີ 44 ຂອງຄະນະປະຈຳສະພາແຫ່ງຊາດ ຈະໄດ້ໄຂຂຶ້ນໃນຕອນເຊົ້າວັນທີ 20 ເມສາ. 

ພາບປະກອບ: QUOCHOI.VN 
      ຄະນະປະຈຳສະພາແຫ່ງຊາດຈະປະກອບຄຳເຫັນໃສ່ຮ່າງກົດໝາຍວ່າດ້ວຍການລົງທຶນຕາມຮູບການການຄູ່ຮ່ວມມືພາກລັດ - ເອກະຊົນ, ຮ່າງກົດໝາຍວ່າດ້ວຍຊາວໜຸ່ມ (ສະບັບປັບປຸງ), ຮ່າງກົດໝາຍວ່າດ້ວຍຜູ້ອອກແຮງງານ ຫວຽດນາມໄປເຮັດວຽກຢູ່ຕ່າງປະເທດຕາມສັນຍາ (ສະບັບປັບປຸງ)…
            ຄະນະປະຈຳສະພາແຫ່ງຊາດກໍ່ຈະປະກອບຄຳເຫັນກ່ຽວກັບການກະກຽມໃຫ້ແກ່ກອງປະຊຸມສະໄໝສາມັນຄັ້ງທີ 9 ຂອງສະພາແຫ່ງຊາດ, ຮ່າງໂຄງການສ້າງກົດໝາຍ, ລັດຖະບັນຍັດ ປີ 2021 ຂອງສະພາແຫ່ງຊາດ, ບົດລາຍງານຂອງ ລັດຖະບານກ່ຽວກັບ ການປະຢັດ, ຕ້ານການຟຸມເຟືອຍໃນປີ 2019. ຄະນະປະຈຳສະພາແຫ່ງຊາດ ຄາດວ່າຈະປະກອບຄຳເຫັນໃສ່ໃບຍື່ນສະເໜີຕໍ່ສະພາແຫ່ງຊາດໃຫ້ສັດຕະຍາບັນ: ສັນຍາການຄ້າເສລີ ຫວຽດນາມ - EU (EVFTA) ແລະ ສັນຍາອາລັກຂາການລົງທຶນ ຫວຽດນາມ - EU (EVIPA)…
            ຄະນະປະຈຳສະພາແຫ່ງຊາດຍັງຈະຕໍ່ເວລາ ປະຊຸມຕື່ມອີກ 2 ມື້ເຄິ່ງ ເພື່ອພິຈາລະນາບັນດາເນື້ອໃນ ຖ້າຫາກມີເງື່ອນໄຂຄົບຖ້ວນ ທີ່ກ່ຽວຂ້ອງເຖິງຮ່າງກົດໝາຍ, ຮ່າງມະຕິຂອງສະພາແຫ່ງຊາດ.
 (ແຫຼ່ງຄັດຈາກ VOV)