01/09/2020 16:01 GMT+7 Email Print Like 0

ຄວາມມານະພະຍາຍາມຂອງວິສາຫະກິດ ຫວຽດ ເພື່ອພັດທະນາຂະແໜງອຸດສາຫະກຳໜູນຊ່ວຍ

ຕາມການສະຖິຕິຂອງກະຊວງອຸດສາຫະກຳ ແລະ ການຄ້າ, ປັດຈຸບັນ ຫວຽດນາມ ພວມມີວິສາຫະກິດເກືອບເຄື່ອງໄຫວໃນຂົງເຂດຜະລິດເຄື່ອງອາໄຫຼ່, ເຄື່ອງປະກອບຕ່າງໆ 2.000 ແຫ່ງ, ໃນນັ້ນ ມີແຕ່ວິສາຫະກິດປະມານ 300 ແຫ່ງ ໄດ້ເຂົ້າຮ່ວມເຄືອຂ່າຍການຜະລິດຂອງກຸ່ມບໍລິສັດຫຼາຍປະເທດ. ຈຳນວນວິສາຫະກິດ ພວມເຄື່ອນໄຫວໃນຂົງເຂດອຸດສາຫະກຳ ໜູນຊ່ວຍ ພວມກວມເກືອບ 4,5% ໃນຈຳນວນວິສາຫະກິດທັງໝົດຂອງຂະແໜງອຸດສາຫະກຳການປຸງແຕ່ງ ແລະ ປະດິດສ້າງ. ປີ 2020, ຫວຽດນາມ ພະຍາຍາມໃຫ້ມີວິສາຫະກິດປະມານ 1.000 ແຫ່ງ ສາມາດຕອບສະໜອງໃຫ້ແກ່ຄວາມຕ້ອງການຂອງວິສາຫະກິດປະກອບເຄື່ອງຈັກ ແລະ ກຸ່ມບໍລິສັດຫຼາຍປະເທດ ທີ່ເຄື່ອນໄຫວຢູ່ ຫວຽດນາມ. 
ນະຄອນ ຮ່າໂນ້ຍ ເປັນໜຶ່ງໃນບັນດາທ່ອງຖິ່ນ ໄດ້ສ້າງເງື່ອນໄຂ ແລະ ນະໂຍບາຍເພື່ອໃຫ້ບັນດາວິສາຫະກິດ ໜູນຊ່ວຍ ພັດທະນາ. ຕາມຄະນະກຳມະການ ປະຊາຊົນນະຄອນ ຮ່າໂນ້ຍ, ເວມາຈະມາເຖິງນີ້, ຮ່າໂນ້ຍ ຈະດຶງດູດການລົງທຶນຈາກທຸກພາກສ່ວນເສດຖະກິດ ເຂົ້າໃນຂົງເຂດອຸດສາຫະກຳ ໜູນຊ່ວຍ ເພື່ອເພີ່ມຈຳນວນ ແລະ ຄຸນນະພາບວິສາຫະກິດເຄື່ອນໄຫວໃນຂົງເຂດດັ່ງກ່າວຂຶ້ນ. ຮ່າໂນ້ຍ ຈະສຸມໃສ່ເຂົ້າໃນ 3 ຂົງເຂດຕົ້ນຕໍ່ ແມ່ນຜະລິດເຄື່ອງອາໄຫຼ່, ອຸດສາຫະກຳໜູນຊ່ວຍ ຮັບໃຊ້ໃຫ້ແກ່ບັນດາຂະແໜງອຸດສາຫະກຳ ເຕັກໂນໂລຊີ ລະດັບສູງ ແລະ ອຸດສາຫະກຳ ໜູນຊ່ວຍ ໃຫ້ແກ່ຂະແໜງຕຳ່ແຜ່ນຕັດຫຍິບ, ເກີບໜັງ. 

ຄະນະກຳມະການ ປະຊາຊົນ ຮ່າໂນ້ຍ ກໍ່ໄດ້ວາງເປົ້າໝາຍ ພະຍາຍາມ ເຖິງທ້າຍປີ 2020, ຄູນຄ່າການຜະລິດອຸດສາຫະກຳຂອງຂະແໜງອຸດສາຫະກຳໜູນຊ່ວຍ ຈະກວມປະມານ 18% ຄູນຄ່າການຜະລິດອຸດສາຫະກຳ ຂະແໜງອຸດສາຫະກຳ ການປຸງແຕ່ງ ແລະ ປະດິດສ້າງ ຮ່າໂນ້ຍ. ຕົວເລກພັດທະນາດ້ານອຸດສາຫະກຳ ໃນຂົງເຂດອຸດສາຫະກຳ ໜູນຊ່ວຍ ຈະເພີ່ມກວ່າ 12% ຕໍ່ປີ, ປະກອບສ່ວນຊຸກຍູ້ການຂະຫຍາຍຕົວເສດຖະກິດໂດຍໄວ, ບັນລຸໄດ້ແຕ່ 9,78-10,79%/ປີ ເພື່ອບັນລຸໄດ້ເປົ້າໝາຍຂອງໄລຍະ 2016-2020 ແມ່ນເພີ່ມ 8,6-9%.​

ນະຄອນ ຮ່າໂນ້ຍ ກໍ່ວາງເປົ້າໝາຍເຖິງທ້າຍປິ 2020, ຈະມີວິສາຫະກິດປະມານ 900 ແຫ່ງ ເຄື່ອນໄຫວໃນບັນດາຂົງເຂດ ອຸດສາຫະກຳ ໜູນຊ່ວຍ ທີ່ ຮ່າໂນ້ຍ, ໃນນັ້ນ ມີວິສາຫະກິດ ປະມານ 400 ແຫ່ງ ຈະມີລະບົບການຜະລິດ ແລະ ຈຳໜ່າຍຜະລິດຕະພັນ ບັນລຸມາດຕະຖານສາກົນ, ສາມາດເຂົ້າຮ່ວມໃນເຄືອຂ່າຍການຜະລິດທົ່ວໂລກຂອງບັນດາກຸ່ມບໍລິສັດຫຼາຍປະເທດຢູ່ ຫວຽດນາມ. 


ການປະກອບຢາງນອກກົງລົດໃຫຍ່ ທີ່ໂຮງງານ Hyundai ແທ່ງກົງ (ນິງບິ່ງ). ພາບ: VNP


ຂັ້ນຕອນການທາສີໃຫ້ແກ່ລົດ ໂອໂຕ ທີ່ໂຮງງານ Hyundai ແທ່ງກົງ (ນິງບິ່ງ). ພາບ: VNP


ລົດ ໂອໂຕ ຖືຍີ່ຫໍ້ Hyundai ໄດ້ປະກອບທີ່ ໂຮງງານ Hyundai ແທ່ງກົງ (ນິງບິ່ງ). ພາບ: VNP


ກວດກາບັນດາເຄື່ອງອາໄຫຼ່ ເພື່ອກະກຽມໃຫ້ແກ່ການປະກອບລົດ ໂອໂຕ ທີ່ ໂຮງງານ Hyundai ແທ່ງກົງ (ນິງບິ່ງ). ພາບ: VNP





ການບັນຊາລະບົດປະດິດສ້າງເຄື່ອງອາໄຫຼ່ ລົດຖີບ ທີ່ບໍລິສັດ ແມ້ງກວາງ ຈຳກັດ. ພາບ: VNP


ກວດກາຄຸນນະພາບຜະລິດຕະພັນ ກ່ອນທີ່ຈະສົ່ງໃຫ້ແກ່ລູກຄ້າ ທີ່ບໍລິສັດ ແມ້ງກວາງ ຈຳກັດ. ພາບ: VNP

ເຖິງວ່າ ຂະແໜງອຸດສາຫະກຳ ໜູນຊ່ວຍ ໄດ້ຮັບຄວາມເອົາໃຈໃສ່ຢ່າງຍິ່ງໃຫຍ່ ຈາກນະໂຍບາຍຄືແນວນັ້ນ, ແຕ່ຄວາມຈິງ, ອຸດສາຫະກຳ ໜູນຊ່ວຍ ຂອງ ຫວຽດນາມ ໃນປັດຈຸບັນ ຍັງມີຫຼາຍຂໍ້ຈຳກັດ ໃນການແກ່ງແຍ້ງກັນ ເທື່ອທຽບກັບບັນດາວິສາຫະກິດຕ່າງປະເທດ. ສະພາບລວມຂອງຂະແໜງອຸດສາຫະກຳ ໜູນຊ່ວຍ ຫວຽດນາມ ໃນປັດຈຸບັນ ແມ່ນຂະໜາດ ແລະ ຄວາມສາມາດຂອງບັນດາວິສາຫະກິດ ຍັງອ່ອນ, ຄວາມສາມາດໃນການຜະລິດຍັງຕຳ່, ຂາດແຫຼ່ງຊັບພະຍາກອນມະນຸດແລະ ເຕັກໂນໂລຊີ ເພື່ອຍົກສູງກຳລັງການຜະລິດ, ແຫຼ່ງຊັບພະຍາກອນ ຍັງບໍ່ທັນຕອບສະໜອງໃຫ້ແກ່ຄວາມຕ້ອງການໄດ້. ບັນດາຜະລິດຕະພັນ ອຸດສາຫະກຳ ໜູນຊ່ວຍ ຢູ່ພາຍໃນ ສ່ວນຫຼາຍຍັງແມ່ນເຄື່ອງອາໄຫຼ່ ແລະ ຊິ້ນສ່ວນຍ່ອຍ ທີ່ງ່າຍດາຍ, ມີຄຸນຄ່ານ້ອຍ ໃນໂຄງປະກອບຄຸນຄ່າຜະລິດຕະພັນ.
 
ຜູ້ຕາງໜ້າໃຫ້ແກ່ Samsung ໃຫ້ຮູ້ວ່າ ເຖິງທ້າຍປີ 2019, ຫວຽດນາມ ມີວິສາຫະກິດ 42 ແຫ່ງ ເປັນຜູ້ສະໜອງ ຂັ້ນ 1, ຄາດຄະເນ ຈະເພີ່ມຂຶ້ນເປັນ 50 ແຫ່ງເມື່ອປີ 2020. ແຕ່ວ່າ ອາດສາມາດເຫັນໄດ້ວ່າ ພຽງແຕ່ວິສາຫະກິດ 50 ແຫ່ງຂອງ ຫວຽດນາມ ໄດ້ເຂົ້າຮ່ວມໃນຕ່ອງໂສ້ຕອບສະໜອງຂັ້ນ 1 ຂອງ Samsung ເມື່ອທຽບກັບວິສາຫະກິດກວ່າ 110.000 ແຫ່ງ ພວມເຄື່ອນໄຫວໃນຂະແໜງອຸດສາຫະກຳ ໜູນຊ່ວຍ, ກໍ່ຈະເຫັນຄວາມສາມາດຂອງບັນດາວິສາຫະກິດ ອຸດສາຫະກຳ ໜູນຊ່ວຍ ຂອງ ຫວຽດນາມ ຍັງມີຫຼາຍຂໍ້ຈຳກັດ.
 
ເພື່ອພັດທະນາອຸດສາຫະກິດ ໜູນຊ່ວຍ, ລັດຖະບານ ໄດ້ປະກາດໃຊ້ເອກະສານຫຼາຍສະບັບເພື່ອສ້າງເງື່ອນໄຂອຳນວຍຄວາມສະດວກໃນດ້ານກົດໝາຍຄື ດຳລັດເລກທີ 111/2015/ NĐ-CP ຂອງລັດຖະບານ ກ່ຽວກັບການພັດທະນາອຸດສາຫະກຳ ໜູນຊ່າຍ, ຂໍ້ຕົກລົງເລກທີ 68/QĐ-TTg ຂອງນາຍົກລັດຖະມົນຕີ ກ່ຽວກັບການອະນຸມັດຜ່ານແຜນການພັດທະນາ ອຸດສາຫະກຳ ໜູນຊ່ວຍ ແຕ່ປີ 2016-2025... ແລະ ຫວ່າງແລ້ວນີ້, ນາຍົກລັດຖະມົນຕີ ຫງວຽນຊວນຟຸກ ຫາກໍ່ ປະກາດໃຊ້ ມະຕິເລກທີ 115 ກ່ຽວກັບບັນດາວິທີແກ້ໄຂ ເພື່ອພັດທະນາ ອຸດສາຫະກຳ ໜູນຊ່ວຍ ດ້ວຍຫຼາຍນະໂຍບາຍໃໝ່.
 
ຕາມກະຊວງອຸດສາຫະກຳ ແລະ ການຄ້າແລ້ວ, ມະຕິເລກທີ 115 ແມ່ນພື້ນຖານ, ປະຖົມປັດໄຈໃຫ້ແກ້ບັນດາກະຊວງ, ຂະແໜງການ ປະຕິບັດການຄົ້ນຄວ້າ ແລະ ສະເໜີອອກນະໂຍບາຍ ຕົວຈິງ. ນີ້ຈະແມ່ນການກະຕຸ້ນຊຸກຍູ້ ການພັດທະນາຂອງອຸດສາຫະກຳ ໜູນຊ່ວຍ, ສ້າງໂອກາດທີ່ຍິ່ງໃຫຍ່ໃຫ້ແກ່ ຫວຽດນາມ ເພື່ອດຶງດູດເອົາການລົງທຶນຈາກຕ່າງປະເທດ. ບັນດານັກຊ່ຽວຊານຕີລາຄາວ່າ ບັນດານະໂຍບາຍຂອງລັດ ໄດ້ສ້າງເງື່ອນໄຂອຳນວຍຄວາມສະດວກທີ່ສຸດ ເພື່ອໃຫ້ບັນດາວິສາຫະກິດທີ່ເຄື່ອນໄຫວໃນຂະແໜງ ອຸດສາຫະກຳ ໜູນຊ່ວຍ ພັດທະນາຂຶ້ນ.  
 
ບົດ: ຈິ້ງໂບ້ - ພາບ: VNP
ບັນດາບົດທີ່ຖືກນຳສະເໜີ