30/05/2020 19:05 GMT+7 Email Print Like 0

ການໂອ້ລົມສົນທະນາທາງອອນລາຍ: “ຫວຽດນາມ: ກາລະໂອກາດລົງທຶນ, ດໍາເນີນທຸລະກິດ ພາຍຫຼັງໂລກລະບາດໂຄວິດ - 19”

      ການໂອ້ລົມສົນທະນາທາງອອນລາຍດ້ວຍຫົວຂໍ້: ຫວຽດນາມ: ກາລະໂອກາດລົງທຶນ, ດໍາເນີນທຸລະກິດ ພາຍຫຼັງໂລກລະບາດໂຄວິດ - 19”, ໂດຍກະຊວງການຕ່າງປະເທດຫວຽດນາມ, ສະຖານທູດຫວຽດນາມປະຈໍາ ອັງກິດ ສົມທົບກັບອົງການ Asia House ຂອງອັງກິດ ຈັດຕັ້ງຂຶ້ນໃນຕອນບ່າຍວັນທີ 29 ພຶດສະພາ.

ຮອງລັດຖະມົນຕີຜູ້ປະຈໍາການກະຊວງການຕ່າງປະເທດຫວຽດນາມ ບຸ່ຍແທັງເຊີນ ທີ່ການໂອ້ລົມສົນທະນາ
(ພາບ: ກະຊວງການຕ່າງປະເທດ)
      ທີ່ການໂອ້ລົມສົນທະນາ, ທ່ານຮອງລັດຖະມົນຕີຜູ້ປະຈໍາການກະຊວງການຕ່າງປະເທດຫວຽດນາມ ບຸ່ຍແທັງເຊີນ ໃຫ້ຮູ້ວ່າ ຫວຽດນາມ ພວມຫັນໄປສູ່ໄລຍະປະຕິບັດເປົ້າໝາຍຄວບຄູ່ ທັງປ້ອງກັນ ແລະ ສະກັດກັ້ນໂລກລະບາດ, ທັງມານະພະຍາຍາມຢ່າງສຸດຂີດ ເພື່ອຟື້ນຟູ ແລະ ພັດທະນາເສດຖະກິດ. ຕາມທ່ານຮອງລັດຖະມົນຕີ ບຸ່ຍແທັງເຊີນແລ້ວ,ໃນໄລຍະຈະມາເຖິງ, ເລື່ອງຍາດແຍ່ງກາລະໂອກາດທີ່ດີ ຍ້ອນອັງກິດຖອນຕົວອອກຈາກ ສະຫະພາບເອີຣົບ (ອີຢູ) ນໍາມາໃຫ້ ແລະ ດ້ວຍບັນດາທ່າແຮງຂອງສອງປະເທດຊາດ, ຫວຽດນາມ ແລະ ອັງກິດ ອາດຈະຊຸກຍູ້ການພົວພັນຄູ່ຮ່ວມມືຍຸດທະສາດສືບຕໍ່ພັດທະນາຢ່າງແຮງ ແລະ ສະແດງຄວາມຊົມເຊີຍຕໍ່ບັນດາວິສາຫະກິຕ່າງປະເທດ, ໃນນັ້ນ ມີບັນດາວິສາຫະກິດອັງກິດ ເຂົ້າມາລົງທຶນ, ດໍາເນີນທຸລະກິດຢູ່ຫວຽດນາມ.
        ສ່ວນບັນດາວິສາຫະກິດອັງກິດ ມີຄວາມສົນໃຈເຖິງບັນດາບັນຫາ: ສະພາບແວດລ້ອມແຫ່ງການລົງທຶນ, ດໍາເນີນທຸລະກິດຢູ່ຫວຽດນາມ, ກາລະໂອກາດລົງທຶນ, ນະໂຍບາຍສົ່ງເສີມການຄ້າ - ການລົງທຶນ ພາຍຫຼັງໂລກລະບາດໂຄວິດ - 19 ຂອງຫວຽດນາມ, ການຫັນປ່ຽນຂອງລະບົບການສະໜອງສິນຄ້າ ແລະ ເລື່ອງຫວຽດນາມ ຜັນຂະຫຍາຍບັນດາສັນຍາການຄ້າແບບໃໝ່ ຄື ສັນຍາ CPTPP ແລະ EVFTA.
 (ແຫຼ່ງຄັດຈາກ VOV)