ຂ່າວສານ

ການເຄື່ອນໄຫວຕ່າງໆ ເພື່ອສະເຫຼີມສະຫຼອງ 71 ປີ ແຫ່ງວັນທະຫານເສຍອົງຄະ - ນັກຮົບເສຍສະຫຼະຊີວິດເພື່ອຊາດ

17/07/2018

ວັນທີ 15 ກໍລະກົດ, ຢູ່ເມືອງຟຸກທໍ້, ນະຄອນຮ່າໂນ້ຍ, ຄະນະຊາວໜຸ່ມກອງທັບ ເປັນປະທານ ແລະ ສົມທົບກັບ ກົມການເມືອງກອງບັນຊານະຄອນຮ່າໂນ້ຍ, ໂຮງໝໍເສນາຮັກ 105 ( ກົມໃຫຍ່່ພະລາທິການ) ແລະ ບໍລິສັດໃຫຍ່ເສດຖະກິດເຕັກນິກ ອຸດສາຫະກໍາປ້ອງກັນປະເທດ ໄດ້ຈັດຕັ້ງ ພິທີປຸກລະດົມການເຄື່ອນໄຫວຕອບບຸນແທນຄຸນ ແລະ ນະໂຍບາຍສັງຄົມຂອງໄວໜຸ່ມກອງທັບ ເນື່ອງໃນໂອກາດສະເຫຼີມສະຫຼອງ 71 ແຫ່ງວັນທະຫານເສຍອົງຄະ - ນັກຮົບເສຍສະຫຼະຊີວິດເພື່ອຊາດ (27/07/1947 – 27/07/2018).

ຄະນະຊາວໜຸ່ມທົ່ວກອງທັບ ແລະ ບໍລິສັດໃຫຍ່ເສດຖະກິດເຕັກນິກ ອຸດສາຫະກໍາປ້ອງກັນປະເທດ ມອບເຮືອນ 02 ຫຼັງ ໃຫ້ 02 ຄອບຄົວເປົ້າໝາຍນະໂຍບາຍ

ທ່ານພັນໂທ ດິງກັວກຮຸ່ງ, ຫົວໜ້າຄະນະຊາວໜຸ່ມກອງທັບ, ໃຫ້ຮູ້ວ່າ ເນື່ອງໃນໂອກາດນີ້, ຄະນະຊາວໜຸ່ມທົ່ວກອງທັບ ໄດ້ ແລະ ພວມສົມທົບກັນຈັດຕັ້ງ “ຂະບວນການຈາລຶກບຸນຄຸນ” ດ້ວຍບັນດາການເຄື່ອນໄຫວໜູນຊ່ວຍສັງຄົມ, ການຕອບບຸນແທນຄຸນໃນທົ່ວປະເທດ. ບັນດາການກະທໍາລະອຽດ, ແທດຈິງໃນ “ຂະບວນການຈາລຶກບຸນຄຸນ” ຂອງໄວໜຸ່ມກອງທັບປີ ນີ້ ລວມມີ: ການຢ້ຽມຢາມຖາມຂ່າວ, ປຸກລະດົມ, ມອບອຸປະກອນຮັບໃຊ້ການຜະລິດ ແລະ ເຄື່ອງໃຊ້ສອຍ, ມອບປຶ້ມເງິນຝາກປະຢັດ, ມອບຂອງຂວັນ, ຊ່ວຍເຫຼືອສ້ອມແປງ, ກໍ່ສ້າງເຮືອນ, ມອບເຮືອນ, ເຂົ້າຮ່ວມການເບິ່ງແຍງດູແລ, ຈັດຕັ້ງການກວດພະຍາດ, ໃຫ້ຄໍາປຶກສາກ່ຽວກັບສຸຂະພາບ, ແຈກຢາຍຢຸກຢາ ໂດຍບໍ່ເສຍຄ່າ ໃຫ້ບັນດາເປົ້າໝາຍນະໂຍບາຍ ແລະ ປະຊາຊົນທ້ອງຖິ່ນ.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.