09/10/2021 12:40 GMT+7 Email Print Like 0

ກອງ​ປະ​ຊຸມ​ຄົບ​ຄະ​ນະ​ຄູ່​ຮ່ວມ​ມື​ພັດ​ທະ​ນາ​ກະ​ສິ​ກຳ​ແບບ​ຍືນ​ຍົງ ຫວຽດ​ນາມ

ກອງປະຊຸມແມ່ນໂອກາດເພື່ອໃຫ້ບັນດາຄູ່ຮ່ວມມື “ພາກລັດ - ພາກເອກະຊົນ” ຂອງຂະແໜງກະສິກຳ ພ້ອມກັນຫວນຄືນໄລຍະທາງ 10 ປີແຫ່ງການເຄື່ອນໄຫວ ແລະ ພັດທະນາຂອງ ຄູ່ຮ່ວມມືພັດທະນາກະສິກຳ ແບບຍືນຍົງຢູ່ຫວຽດນາມ”. 
ພາບປະກອບ: baochinhphu.vn

ດ້ວຍຫົວຂໍ້ “ຍົກສູງຜະລິດຕະພັນກະເສດ ຫວຽດນາມ ເຊື່ອມໂຍງເຂົ້າກັບສາກົນ” ວັນທີ 8 ຕຸລາ, ຢູ່ຮ່າໂນ້ຍ, ກະຊວງກະສິກຳ ແລະ ພັດທະນາຊົນນະບົດ ຫວຽດນາມ ໄດ້ຈັດກອງປະຊຸມແບບທາງໄກ “ຄູ່ຮ່ວມມືພັດທະນາກະສິກຳແບບຍືນຍົງຢູ່ຫວຽດນາມ (PSAV)”.

ກອງປະຊຸມແມ່ນໂອກາດເພື່ອໃຫ້ບັນດາຄູ່ຮ່ວມມື “ພາກລັດ - ພາກເອກະຊົນ” ຂອງຂະແໜງກະສິກຳ ພ້ອມກັນຫວນຄືນໄລຍະທາງ 10 ປີແຫ່ງການເຄື່ອນໄຫວ ແລະ ພັດທະນາຂອງ ຄູ່ຮ່ວມມືພັດທະນາກະສິກຳ ແບບຍືນຍົງຢູ່ຫວຽດນາມ”. ຜ່ານນັ້ນ, ແບ່ງປັນຜົນງານ, ໝາກຜົນທີ່ບັນລຸໄດ້ ກໍ່ຄືບັນດາບົດຮຽນປະສົບການເພື່ອສືບຕໍ່ມານະພະຍາຍາມເພີ່ມທະວີຊຸກຍູ້ປະສິດທິຜົນ ຂອງ ການຮ່ວມມືພາກລັດ - ເອກະຊົນ ໃນພາລະກິດແຫ່ງການພັດທະນາກະສິກຳ, ຊົນນະບົດແບບຍືນຍົງ.

ນີ້ກໍ່ແມ່ນກາລະໂອກາດເພື່ອໃຫ້ບັນດາສະມາຊິກ ພ້ອມກັນໃຫ້ຄຳໝັ້ນສັນຍາຊຸກຍູ້ການດຶງດູດການລົງທຶນ ພັດທະນາຂະແໜງກະສິກຳ ຫວຽດນາມ ແບບຍືນຍົງ, ຜ່ານຜ່າບັນດາສິ່ງທ້າທາຍ ຈາກ ວິກິດການ ດ້ານເສດຖະກິດ ສັງຄົມ ຍ້ອນໂລກລະບາດໂຄວິດ - 19 ກໍ່ຂຶ້ນ.

(ແຫຼ່ງຄັດຈາກ VOV)