ວັນທີ 18 ກັນຍາ, ກອງປະຊຸມສຸດຍອດຄັ້ງທີ VI ຂອງອົງການຈັດຕັ້ງບັນດາປະເທດ ອາເມລິກາລາຕີນ ແລະ Caribe (CELAC) ໄດ້ສິ້ນສຸດລົງພາຍຫລັງເຮັດວຽກຢູ່ ເມຊີໂກ ມາເປັນເວລາ 1 ວັນ ດ້ວຍການເຂົ້າຮ່ວມຂອງ 31 ປະເທດ ໄດ້ຍົກອອກຖະແຫລງການຮ່ວມເພີ່ມທະວີການຮ່ວມມື ແລະ ເຊື່ອມໂຍງພາກພື້ນ.
ຕາມຖະແຫລງການຮ່ວມ ລວມມີ 44 ຂໍ້, ບັນດາປະເທດເຂົ້າຮ່ວມໄດ້ເຫັນດີກ່ຽວກັບແຜນການເປັນເຈົ້າຕົນເອງດ້ານສາທາລະນະສຸກ ເພື່ອແນໃສ່ຫລີກລ້ຽງສະພາບຂາດວັກຊິນ ແລະ ການສຳຜັດບໍ່ສະເຫມີພາບກັບວັກຊິນໃນບັນດາໂລກລະບາດຄ້າຍຄືໂຄວິດ -19 ຊື່ງອາດຈະເກີດຂຶ້ນໃນອະນາຄົດ, ສ້າງກອງທຶນປ້ອງກັນຕ້ານໄພທຳມະຊາດຍ້ອນການປ່ຽນແປງຂອງດິນຟ້າອາກາດ ດ້ວຍທຶນເບື້ອງຕົ້ນແມ່ນ 15 ລ້ານ USD ແລະ ຮັບຮອງເອົາກົນໄກການເຄື່ອນໄຫວຂອງອົງການຈັກກະວານ ອາເມລິກາລາຕີນ ແລະ Caribe. ຄຽງຄູ່ກັນນັ້ນ CELAC ກໍ່ຮັບຮອງເອົາເລື່ອງອອກສຽງຄັດຄ້ານການປິດລ້ອມເສດຖະກິດສຳລັບ ກູບາ ແລະ ສະຫນັບສະຫນູນອະທິປະໄຕຂອງ ອັກຊັງຕີນ ສຳລັບໝູ່ເກາະ Malvinas.
(ແຫຼ່ງຄັດຈາກ VOV)
