27/07/2019 11:37 GMT+7 Email Print Like 0

ກອງປະຊຸມຂ່າວປະກາດທົ່ງໄຫຫີນຊຽງຂວາງແມ່ນມໍລະດົກໂລກ

      ຕອນບ່າຍວັນທີ 25 ກໍລະກົດ, ຢູ່ນະຄອນຫຼວງວຽງຈັນ, ປະເທດລາວ, ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວລາວ ໄດ້ຈັດກອງປະຊຸມຂ່າວປະກາດ ທົ່ງໄຫຫີນຊຽງຂວາງຂອງລາວ ໄດ້ຮັບການຮັບຮອງຈາກຄະນະກຳມະການມໍລະດົກໂລກ, ຂຶ້ນກັບ UNESCO ວ່າແມ່ນມໍລະດົກໂລກ.

(ກອງປະຊຸມຂ່າວປະກາດ “ທົ່ງໄຫຫີນຊຽງຂວາງ” ຂອງລາວ ໄດ້ຮັບການຮັບຮອງຈາກຄະນະກຳມະການມໍລະດົກໂລກ,
ຂຶ້ນກັບ UNESCO ວ່າແມ່ນມໍລະດົກໂລກ)
      ທີ່ກອງປະຊຸມຂ່າວ, ທ່ານລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວລາວ ບໍ່ແສງຄຳ ວົງດາລາ ໃຫ້ຮູ້ວ່າ, ທີ່ກອງປະຊຸມສະໄໝທີ 43 ຂອງຄະນະກຳມະການມໍລະດົກໂລກ, ຂຶ້ນກັບ UNESCO ເຊິ່ງໄດ້ດຳເນີນໃນລະຫວ່າງວັນທີ 30 ມິຖຸນາ - 10 ກໍລະກົດ, ຢູ່ Baku, ປະເທດສ. ອາແຊກບາຍຊານ, ຄະນະກຳມະການມໍລະດົກໂລກໄດ້ອອກມະຕິທາງການຮັບຮອງເອົາທົ່ງໄຫຫີນຊຽງຂວາງ ຂອງລາວ ແມ່ນມໍລະດົກໂລກ ໃນວັນທີ 06 ກໍລະກົດ, ດ້ວຍຄວາມເຫັນດີເຫັນພ້ອມຂອງທັງໝົດ 21 ປະເທດສະມາຊິກ.
        ແບ່ງປັນທີ່ກອງປະຊຸມຂ່າວ, ທ່ານລັດຖະມົນຕີ ບໍ່ແສງຄຳ ວົງດາລາ ໃຫ້ຮູ້ວ່າ, ນີ້ແມ່ນໝາກຜົນພາຍຫຼັງໄລຍະ 20 ປີແຫ່ງການດຳເນີນການສຳຫຼວດຢ່າງຄົບຊຸດ, ສ້າງຮາກຖານຂໍ້ມູນໃຫ້ສົມບູນ ເພື່ອຍື່ນສະເໜີຕໍ່ຄະນະກຳມະການມໍລະດົກໂລກ, ຂຶ້ນກັບ UNESCO ຮັບຮອງເອົາທົ່ງໄຫຫີນຊຽງຂວາງ ຂອງລາວ ແມ່ນມໍລະດົກໂລກ. ພ້ອມກັນນັ້ນ, ທ່ານລັດຖະມົນຕີ ກໍ່ສະແດງຄວາມຂໍຂອບໃຈເຖິງບັນດາປະເທດ, ນັກຊ່ຽວຊານສາກົນທີ່ໄດ້ໜູນຊ່ວຍ, ຊ່ວຍເຫຼືອ ແລະ ຮ່ວມເດີນທາງພ້ອມກັບລາວ ໃນວຽກງານສຳຫຼວດ, ສ້າງຮາກຖານຂໍ້ມູນໃຫ້ສົມບູນກ່ຽວກັບທົ່ງໄຫຫີນຊຽງຂວາງ ໃນຫຼາຍປີຜ່ານມາ.
 (ແຫຼ່ງຄັດຈາກ VOV)