នាថ្ងៃទី២ ខែកក្កដា ឆ្នាំ២០២០ ក្រសួងការពារជាតិអាមេរិកបានចេញសេចក្តីប្រកាសមួយដោយប្រឆាំងជំទាស់នឹងការធ្វើសមយុទ្ធយោធារបស់ចិននៅសមុទ្រខាងកើត។
សេចក្តីប្រកាសនេះបានបញ្ជាក់ថា សហរដ្ឋអាមេរិកមានការព្រួយបារម្ភចំពោះការដែលចិន ធ្វើសមយុទ្ធយោធានៅជុំវិញកោះ Hoang Sa នៅសមុទ្រខាងកើត ចាប់ពីថ្ងៃទី ១ ដល់ថ្ងៃទី ៥ ខែកក្កដា។ សេចក្តីប្រកាសនេះបានសង្កត់ធ្ងន់ថា ការធ្វើសមយុទ្ធយោធានៅសមុទ្រខាងកើត គឺមិនល្អសម្រាប់រាល់ការខិតខំប្រឹងប្រែងដើម្បីបន្ធូរភាពតានតឹងនិងរក្សាស្ថេរភាពនោះឡើយ។ សកម្មភាពរបស់ចិននឹងធ្វើឱ្យស្ថានការណ៍នៅសមុទ្រខាងកើតមានអស្ថិរភាពថែមទៀត។ សមយុទ្ធនេះ គឺជាសកម្មភាពថ្មីបំផុត នៅក្នុងសកម្មភាពជាបន្តបន្ទាប់របស់ចិនដើម្បីអះអាងការទាមទារតំបន់សមុទ្រ ដោយខុសច្បាប់របស់ខ្លួន និងបង្កអន្តរាយដល់ប្រទេសជិតខាងអាស៊ីអាគ្នេយ៍នៅសមុទ្រខាងកើត៕
តាម VOV5 - វិទ្យុសំឡេងវៀតណាម