ទិដ្ឋភាពនៃសន្និសីទកាសែតស្តីពីលទ្ធផលនៃសន្និសីទរដ្ឋមន្ត្រីហិរញ្ញវត្ថុ (រូបថតៈTTXVN )
បន្ទាប់ពីបញ្ចប់សន្និសីទរដ្ឋមន្ត្រីហិរញ្ញវត្ថុ APEC ២០១៧មក នាថ្ងៃទី២១ ខែតុលា ឆ្នាំ២០១៧ ក្រោមអធិបតីភាពរបស់រដ្ឋមន្ត្រីហិរញ្ញវត្ថុវៀតណាម លោក Dinh Tien Dung បានរួមជាមួយរដ្ឋមន្ត្រីហិរញ្ញវត្ថុ ប្រធានគណៈប្រតិភូនៃខឿនសេដ្ឋកិច្ចសមាជិក APEC ទាំង២១ បានបើកសន្និសីទកាសែត ស្តីពីលទ្ធផលនៃសន្និសីទ។
ជូនដំណឹងខ្លឹមសារ សំខាន់ៗរបស់សេចក្តីថ្លែងការណ៍រួមនៃសន្និសីទរដ្ឋមន្ត្រីហិរញ្ញវត្ថុ APEC ២០១៧ រដ្ឋមន្ត្រី លោក Dinh Tien Dung បានឲ្យដឹងថា អង្គសន្និសីទបានពិភាក្សា នូវអនាគត សេដ្ឋកិច្ចហិរញ្ញវត្ថុដែលខឿនសេដ្ឋកិច្ចនានា កំពុងប្រឈមមុខ។ ស្តីពីកម្មវត្ថុដែល សន្និសីទរដ្ឋមន្ត្រី ហិរញ្ញវត្ថុ APEC នឹងដាក់ជូនសន្និសីទកំពូល APEC ដែលនឹងរៀបចំឡើងនាខែវិច្ឆិកាខាងមុខ លោក Dinh Tien Dung បានឲ្យដឹងថា៖
“ខ្លឹមសារដែលរដ្ឋមន្ត្រីហិរញ្ញវត្ថុ យកមកពិភាក្សានោះគឺសុទ្ធតែជាខ្លឹមសារ សំខាន់ៗ ហើយនឹងបានដាក់ជូនថ្នាក់ដឹកនាំ APEC នាខែវិច្ឆិកាខាងមុខ។ ក្នុងនោះ បានសង្កត់ធ្ងន់ទៅលើខ្លឹមសារចំនួនពីរ ស្តីពីការវិនិយោគរយៈពេលយូរអង្វែង សម្រាប់មូលដ្ឋានហេដ្ឋារចនាសម្ព័ន្ធនិង ហិរញ្ញវត្ថុគ្របដណ្តប់។ លទ្ធផលសហប្រតិ បត្តិការស្តីពីហិរញ្ញវត្ថុគ្របដណ្តប់ នឹងជាខ្លឹមសារសំខាន់ដាក់ជូនថ្នាក់ដឹកនាំនៅក្នុង សន្និសីទកំពូលខាងមុខ”។
យោងតាមសេចក្តីថ្លែងការណ៍រួមដែលបានប្រកាសនៅក្នុងសន្និសីទកាសែត នោះ គឺសន្និសីទរដ្ឋមន្ត្រីហិរញ្ញវត្ថុ APEC លើកទី ២៥នឹងបានរៀប ចំឡើងនៅ Papua New Guinea នាខែតុលាឆ្នាំ២០១៨៕
តាម VOV5 - វិទ្យុសម្លេងវៀតណាម