នាថ្ងៃទី ២៨ ខែវិច្ឆិកា នៅទីក្រុងហូជីមិញ សម្ព័ន្ធអង្គការមិត្តភាពទីក្រុងហូជីមិញ បានរៀបចំពិធីអបអរសាទរខួបលើកទី ៦០ នៃការបង្កើតទំនាក់ទំនងការទូត វៀតណាម-គុយបា (ថ្ងៃទី២ ខែធ្នូ ឆ្នាំ១៩៦០ / ថ្ងៃទី ២ ខែធ្នូ ឆ្នាំ២០២០) និងខួបលើកទី ៣០ នៃការបង្កើតសមាគមមិត្តភាពវៀតណាម-គុយបា នៅទីក្រុងហូជីមិញ (១៩៩០-២០២០)។
លោក Vuong Duc Hoang Quan ប្រធានសម្ព័ន្ធអង្គការមិត្តភាពទីក្រុងហូជីមិញប្រគល់ទង់ប្រពៃណីរបស់គណៈកម្មាធិការប្រជាជនទីក្រុងហូជីមិញដល់សមាគមមិត្តភាពវៀតណាម - គុយបា (រូបថត៖ vnanet.vn) |
ក្នុងរយៈពេល ៣០ ឆ្នាំកន្លងមក សមាគមមិត្តភាពវៀតណាម - គុយបា នៅទីក្រុងហូជីមិញបានសហការជាមួយស្ថានអគ្គកុងស៊ុលគុយបាប្រចាំទីក្រុងហូជីមិញនិងសាខារបស់ខ្លួន ដើម្បីរៀបចំកម្មវិធីផ្លាស់ប្តូរជាច្រើនចូលរួមចំណែកលើកកម្ពស់ស្មារតីសាមគ្គីភាពរវាងវៀតណាមនិងគុយបា។
ថ្លែងនៅក្នុងពិធីនេះ លោកស្រី Indira Lopez Arguelles អគ្គកុងស៊ុលនៃសាធារណរដ្ឋគុយបាប្រចាំទីក្រុងហូជីមិញ បានសង្កត់ធ្ងន់ថា ប្រទេសទាំងពីរតែងតែរួបរួមគ្នា ដោយមិនត្រឹមតែក្នុងការតស៊ូដើម្បីផលប្រយោជន៍ ឯករាជ្យភាពប៉ុណ្ណោះទេ ថែមទាំងក្នុងកិច្ចការកសាងសង្គមនិយមនាពេលបច្ចុប្បន្នទៀតផង។ កិច្ចសហប្រតិបត្តិការរវាងប្រទេសទាំងពីរត្រូវបានពង្រឹងកាន់តែខ្លាំងឡើងៗ លើវិស័យជាច្រើនដូចជា សំណង់ អប់រំ សុខាភិបាល កសិកម្ម និងការគ្រប់គ្រងរោគរាតត្បាតជាដើម។ល៕
តាមកាសែតកងទ័ពប្រជាជនអនឡាយ