នាព្រឹកថ្ងៃទី១៤ ខែតុលា ឆ្នាំ២០១៧ ទទួលសេចក្តីអញ្ជើញរបស់ប្រធានសហភាពអន្តរសភាពិភព លោក Saber Chowdhury ប្រធានក្រុមប្រឹក្សាសហព័ន្ធរុស្ស៊ី Valentina Ivanovna Matviyenko និងប្រធាន Duma ជាតិ សហព័ន្ធ រុស្ស៊ីលោក Vyacheslav Volodin ប្រធានព្រឹទ្ធសភាសាធារណរដ្ឋកាហ្សាក់ស្ថាន Kassym Zhomart Tokayev និងប្រធានរដ្ឋសភាសាធារណរដ្ឋកាហ្សាក់ស្ថាន Nurlan Nigmatulin គណៈប្រតិភូវៀតណាមដឹកនាំដោយប្រធានរដ្ឋសភា លោកស្រី Nguyen Thi Kim Ngan បានចាកចេញពីទីក្រុងហាណូយ ចាប់ផ្តើមដំណើរចូលរួមមហាសន្និបាតសហភាពអន្តរសភាពិភពលោកលើកទី៣៧ (IPU-137) និងបណ្តាសន្និសីទទាក់ទិននានាដែលប្រារព្ធនៅទីក្រុង Saint Peterbourg សហព័ន្ធរុស្ស៊ី ចាប់ពីថ្ងៃទី១៤ដល់ថ្ងៃទី១៥តុលាឆ្នាំ២០១៧ និងអញ្ជើញទៅបំពេញទស្សនកិច្ចជាផ្លូវការនៅកាហ្សាក់ស្ថានចាប់ពីថ្ងៃទី១៦ដល់ថ្ងៃទី១៨ ខែតុលា ឆ្នាំ២០១៧។
ប្រធានរដ្ឋសភាវៀតណាម លោកស្រី Nguyen Thi Kim Ngan
គណៈប្រតិភូវៀតណាមចូលរូមមហាសន្និបាត IPU-137 គឺអះអាងភាពម្ចាស់ការសកម្មចូលរួមរាល់សកម្មភាពការទូតអន្តរសភាពហុភាគីរបស់វៀតណាម បន្តពង្រីកនូវតួនាទីនិងឋានៈរបស់រដ្ឋសភាវៀតណាមលើបណ្តាសហភាពអន្តរសភាពិភពលោក។ បន្ទាប់ពីបានចូលរួម IPU-137 មកគណៈប្រតិភូជាន់ខ្ពស់ រដ្ឋសភាវៀតណាម ដឹកនាំដោយលោកស្រី Nguyen Thi Kim Ngan នឹងអញ្ជើញទៅបំពេញទស្សនកិច្ចជាផ្លូវការ នៅប្រទេសកាហ្សាក់ស្ថាន។ នេះជាលើកដំបូងដែលប្រធានរដ្ឋសភាវៀតណាមទៅបំពេញទស្សនកិច្ចនៅប្រទេសកាហ្សាក់ស្ថានដែរ។ ដំណើរទស្សនកិច្ចនេះគឺសំដៅបន្តពង្រឹងនិងពង្រីកទំនាក់ទំនងមិត្តភាពជាប្រពៃណីរវាងវៀតណាមជាមួយកាហ្សាក់ស្ថាន។ ដំណើរទស្សនកិច្ចនេះនឹងរួមចំណែកជម្រុញទំនាក់ទំនងរវាងប្រទេសទាំងពីរលើគ្រប់វិស័យទាំងនយោបាយ សេដ្ឋកិច្ច ពាណិជ្ជកម្ម វិនិយោគ ថាមពល និងវប្បធម៌ អប់ រំទៀតផង។
នៅវេលាម៉ោង ៧ និង១០ នាទី (តាមម៉ោងតំបន់) គណៈប្រតិភូជាន់ខ្ពស់រដ្ឋសភា វៀតណាមដឹកនាំដោយប្រធានរដ្ឋសភា លោកស្រី Nguyen Thi Kim Ngan បានអញ្ជើញទៅដល់ព្រលានយន្តហោះ Pulkuvo ទីក្រុង Saint Petersburg សហព័ន្ធរុស្ស៊ីចាប់ផ្តើមកម្មវិធីចូលរួមមហាសន្និបាត IPU-137 ។ តាមរបៀបវារៈ នាយប់ថ្ងៃទី១៤ ខែតុលា (តាមម៉ោងតំបន់) នឹងប្រព្រឹត្តទៅពិធីបើកមហាសន្និបាត IPU-137 ហើយប្រធានរដ្ឋសភា លោកស្រី Nguyen Thi Kim Ngan នឹងអញ្ជើញថ្លែងសន្ទរកថានៅសម័យប្រជុំពេញអង្គ ក្រោមប្រធានបទ “ជម្រុញភាពសប្បូរបែបវប្បធម៌និងសន្តិភាពតាមរយៈជំនួបសន្ទនារវាងសាសនាទាំងអស់និងជាតិសាសន៍”៕
តាម VOV5 - វិទ្យុសម្លេងវៀតណាម