ប្រធានរដ្ឋសភា លោក Uong Chu Luu ទទួលជួបប្រធានក្រុមសមាជិកសភានៃគណបក្ស រុស្ស៊ីយុត្តិធម៌
នារសៀលថ្ងៃទី១៦ ខែមេសា ឆ្នាំ២០១៨ អនុប្រធានរដ្ឋសភាវៀតណាម លោក Uong Chu Luu បានជួបសន្ទនាជាមួយប្រធានក្រុមសមាជិកសភានៃគណបក្ស រុស្ស៊ីយុត្តិធម៌ លោក Sergey Mikhailovich Mironov ដែលកំពុងបំពេញទស្សនកិច្ចការងារនៅវៀតណាម។
លោក Uong Chu Luu បានអះអាងថា វៀតណាមជានិច្ចកាលយកចិត្តទុកដាក់ និងមាន គោលបំណងចង់ពង្រឹងទំនាក់ទំនងដ៏ល្អជាមួយ សហព័ន្ធរុស្ស៊ីដើម្បីផលប្រយោជន៍ជាក់ស្តែងនៃភាគីទាំងពីរ។ លោក Uong Chu Luu ក៏សង្ឃឹមថា តាមរយៈដំណើរទស្សនកិច្ចនេះ បុគ្គលលោកប្រធានក្រុមសមាជិកសភាផ្ទាល់ និងសមាជិកសភានៃគណបក្សរស្ស៊ីយុត្តិធម៌ នឹងបន្តគាំទ្រនិងបង្កើនទំនាក់ទំនងរវាងប្រទេសទាំងពីរ លើគ្រប់វិស័យ ជាពិសេស លើវិស័យ សេដ្ឋកិច្ច និង ពាណិជ្ជកម្ម ព្រមទាំង នាំមកនូវទំហំពាណិជ្ជកម្មទ្វេភាគីឡើងទៅដល់ ១០ ពាន់លានដុល្លារអាមេរិកឲ្យបានឆាប់ៗ។
រីឯខ្លួនវិញ លោក Sergey Mikhailovich Mironov បានអះអាងថាប្រទេសទាំងពីរ តែងតែមានទស្សនៈដូចគ្នានិងជិតស្និទចំពោះបញ្ហាអន្តរជាតិនានា ហើយសង្ឃឹមថាតាមរយៈ ដំណើរទស្សនកិច្ចនេះ នឹងរួមចំណែកបង្កើនចំណងមិត្តភាពដ៏ល្អប្រសើរ រវាងប្រទេសទាំងពីរ ផងដែរ៕
តាម VOV5 - វិទ្យុសម្លេងវៀតណាម
