នាយករដ្ឋមន្រ្តីវៀតណាមលោក Nguyen Xuan Phuc អញ្ជើញថ្លែងនៅក្នុងជំនួបនេះ (រូបថត៖ Lao Dong)
នាថ្ងៃទី១៩ ខែមិថុនា ឆ្នាំ២០១៩ ក្នុងឱកាសអបអរសាទរខួបលើក ទី៩៤ទិវាសារព័ត៌ មានបដិវត្តន៍វៀតណាម នាយករដ្ឋមន្រ្តីលោក Nguyen Xuan Phuc បានអញ្ជើញ ជួបធ្វើការជាមួយគណៈកម្មការអចិន្រ្តៃយ៍នៃសមាគមន៍អ្នកកាសែតវៀតណាម។
លោកនាយករដ្ឋមន្រ្តីបានផ្ញើរការសួរសុខទុក្ខដល់អ្នកកាសែត អ្នកព័ត៌មាន និងអ្នកនិពន្ធនៃស្ថាប័នសារព័ត៌មានទាំងអស់ទូទាំងប្រទេស ដែលជាមនុស្ស បំពេញការងារនៅសមរភូមិព័ត៌មាន ដោយផ្សព្វផ្សាយអំពីគោលមាគ៌ា គោល នយោបាយរបស់បក្សនិងរដ្ឋទៅកាន់ប្រជាជន ក៏ដូចជាឆ្លុះបញ្ចាំងដោយស្មោះសរអំពីជីវភាព សង្គមយ៉ាងរស់រវើកផងដែរ។
លោកនាយករដ្ឋមន្រ្តីបានអះអាងថា រាល់សមិទ្ធផលនិងជ័យជំនះលើគ្រប់ វិស័យរបស់ប្រទេសជាតិនាពេលកន្លងទៅ គឺមានការរួមចំណែកយ៉ាងសកម្មរបស់ សារព័ត៌មាន ជាពិសេសគឺក្នុងការងារប្រយុទ្ធប្រឆាំងនឹងអំពើពុករលួយនិងអវិជ្ជ មាននៅវៀតណាម។ លោកនាយករដ្ឋមន្រ្តីមានគោល បំណងថា នាពេលខាងមុខ សារព័ត៌មានបន្តជាកម្លាំងដើរជួរមុខក្នុងបញ្ហាធំៗរបស់ប្រទេសជាតិនិងរបស់បក្ស ក៏ដូចជាក្នុងកិច្ចការពាររាល់តម្លៃជាមូលដ្ឋានគ្រឹះនៃប្រទេស ជាតិទៀតផង។ នាយករដ្ឋមន្រ្តីលោក Nguyen Xuan Phuc អញ្ជើញមាន ប្រសាសន៍ថា៖
“សារព័ត៌មានបដិវត្តន៍វៀតណាមត្រូវបង្ហាញនូវលំហូរស្នូលនៃសង្គម នោះគឺ កសាងនិងការពារលទ្ធិសង្គមនិយម កសាងប្រទេសជាតិប្រកបដោយសមភាព ប្រជាធិបតេយ្យ អារិយ្យធម៌ រក្សាវប្បធម៌ប្រជាជាតិ។ លំហូរស្នូលនោះ ក៏ជាសង្គម មួយកាន់តែល្អប្រសើរឡើង បុព្វហេតុផ្លាស់ប្ដូរថ្មីនិងអភិវឌ្ឍន៍ប្រទេសជាតិត្រូវបាន ជំរុញយ៉ាងខ្លាំង ហើយជីវភាពរស់នៅរបស់ប្រជាជនត្រូវបានលើកស្ទួយពីមួយថ្ងៃ ទៅមួយថ្ងៃ។ នោះគឺ ប្រទេសវៀតណាមមួយចាប់ពីភាពក្រីក្រ អត់ឃ្លាន បាន ក្លាយទៅជាប្រទេសមានប្រាក់ចំណូលជាធម្យម ហើយឋានៈអន្តរជាតិត្រូវបាន លើកកំពស់ពីមួយថ្ងៃទៅមួយថ្ងៃ ផងដែរ”។
នាយករដ្ឋមន្រ្តីលោក Nguyen Xuan Phuc បានចាត់ទុកថា សារព័ត៌មានត្រូវ បង្កើតឡើងការស្រុះចិត្តគំនិតនិងជំនឿជាក់យ៉ាងខ្លាំងក្លារបស់សង្គមចំពោះបក្ស។ មិនថាសរសេរអ្វីៗក៏ដោយ ប៉ុន្តែត្រូវសរសេរដើម្បីផលប្រយោជន៍របស់សហគមន៍ ផលប្រយោជន៍ជាតិ ហើយមិនទុកអោយជំនឿជាក់របស់សង្គមត្រូវសាបសូនទៅ បានឡើយ៕
តាម VOV5 - វិទ្យុសំឡេងវៀតណាម
