លោក Michael Croft ប្រធានតំណាងអង្គការយូណេស្កូប្រចាំនៅវៀតណាម និងជាប្រធានក្រុមយុវជន នៃអង្គការសហប្រជាជាតិ
 

នាថ្ងៃទី១២  ខែសីហា ឆ្នាំ​២០២០ មជ្ឈឹមសម្ព័ន្ធយុវជនកុម្មុយនិស្តហូជីមិញ និងទីភ្នាក់ងារអង្គការសហប្រជាជាតិប្រចាំនៅវៀតណាមបានប្រារព្ធពិធីអបអរសាទរទិវាយុវជនអន្តរជាតិ ឆ្នាំ២០២០ ដោយប្រធានបទ៖“ វៀតណាម ២០៣០ បំណងប្រាថ្នារបស់យើង - យុវជនធ្វើសកម្មភាពសម្អាតបរិស្ថាន” ។ 
 
ព្រឹត្តិការណ៍នេះសំដៅបញ្ជាក់ពីតួនាទីស្នូលរបស់យុវជន វៀត ណាម ក្នុងការផ្តល់ដំណោះស្រាយទាក់ទងនឹងការប្រែប្រួលអាកាសធាតុ កិច្ចការពារបរិស្ថាន និងការគ្រប់គ្រងសំរាមប្លាស្ទិក។នៅក្នុងពិធីនេះ លោក Michael Croft ប្រធានតំណាងអង្គការយូណេស្កូប្រចាំនៅវៀត ណាម និងជាប្រធានក្រុមយុវជន នៃអង្គការសហប្រជាជាតិបានសង្កត់ធ្ងន់លើតួនាទីសំខាន់របស់យុវជនក្នុងការប្រយុទ្ធប្រឆាំងនឹងការប្រែប្រួលអាកាសធាតុសកល៖ លោកបានថ្លែងថា៖ “ឆ្នាំ ២០៣០ ជាឆ្នាំដើម្បីសម្រេចគោលដៅអភិវឌ្ឍន៍សហស្សវត្សរ៍ ពោលគឺជិតមកដល់ហើយ។ ដូច្នេះ យើងខ្ញុំបានចូលរួមសកម្មភាពយុវជននៅវៀតណាមនិយាយដោយឡែក និងនៅលើពិភពលោកនិយាយរួម។ យើងខ្ញុំមានគោលបំណងថា អង្គការសហប្រជាជាតិគឺជាមូលដ្ឋានគ្រឹះ ដើម្បីផ្ដល់សិទ្ធិ បង្កើតភាពរីកសាយភាយ ហើយទាក់ទាញការចូលរួមរបស់យុវជន។ ព្រោះថា យុវជនគឺជាអនាគតរបស់យើង ហើយពួកគឺជាកត្តានៃការផ្លាស់ប្តូររបស់ពិភពលោកនិយាយរួម។  ខ្ញុំជឿជាក់ថា អង្គការសហប្រជាជាតិគឺជាកន្លែងមួយដើម្បីបង្កើតកម្លាំងចលករ ថាមពល និងគំនិតច្នៃប្រឌិតសម្រាប់យុវជនផងដែរ”៕

តាម VOV5 - វិទ្យុសំឡេងវៀតណាម​