• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

គំនិតផ្ដួចផ្ដើមរបស់វៀតណាមបង្កើតឡើងភាពស្អិតរមួតក្នុងអាស៊ាន

នាយករដ្ឋមន្រ្តីវៀតណាម លោក Nguyen Xuan Phuc បានអញ្ជើញទទួលជួប លោកស្រីឯកអគ្គរដ្ឋទូតសឹង្ហបុរី Catherine Wong។ (រូបថត៖ VGP)
 

នារសៀលថ្ងៃទី១៣ ខែមករា ឆ្នាំ២០២១ នៅទីស្នាក់ការរដ្ឋាភិបាល នាយករដ្ឋមន្រ្តីវៀតណាម លោក Nguyen Xuan Phuc បានអញ្ជើញទទួលជួប លោកស្រីឯកអគ្គរដ្ឋទូតសឹង្ហបុរី Catherine Wong ដើម្បីសម្ដែងការគួរសមនិងជម្រាបលាក្នុងឱកាសដែលលោកស្រីបញ្ចប់អាណត្តិបេសកកម្មការទូតនៅវៀតណាម។

លោកនាយករដ្ឋមន្រ្តីបានអះអាងថា លោកស្រីឯកអគ្គរដ្ឋទូត Catherine Wong បានចូលរួមចំណែកយ៉ាងសកម្មដល់ការជំរុញទំនាក់ទំនងរវាងប្រទេសទាំងពីរ ឲ្យមានការរីកចម្រើនគ្រប់ជ្រុងជ្រោយនិងប្រកបដោយប្រសិទ្ធភាពក្នុងអំឡុងពេល៤ឆ្នាំកន្លងមក។ លោកនាយករដ្ឋមន្រ្តីបានសម្ដែងនូវគោល បំណងថា ភាគីទាំងពីរនឹងបន្តជំរុញយ៉ាងខ្លាំងនូវកិច្ចសហប្រតិបត្តិការលើគ្រប់វិស័យ ហើយមានសម្ព័ន្ធក្រុមហ៊ុនបច្ចេកវិទ្យាកាន់តែច្រើនរបស់សឹង្ហបុរីនឹងមកស្វែងយល់និងវិនិយោគនៅទីផ្សារវៀតណាមផងដែរ។

រីឯខ្លួនវិញ លោកស្រីឯកអគ្គរដ្ឋទូត Catherine Wong បានអបអរសាទរវៀតណាមដោយបានសម្រេចប្រកបដោយជោគជ័យនូវតួនាទីជាប្រធានអាស៊ានឆ្នាំ២០២០ ទោះបីជាត្រូវប្រឈមនឹងការលំបាកជាច្រើនបណ្ដាលមកពីជម្ងឺ Covid-19 ក៏ដោយ។ លោកស្រីឯកអគ្គរដ្ឋទូតបានចាត់ទុកថា រាល់គំនិតផ្តួចផ្ដើមរបស់វៀតណាមបានចូលរួមចំណែកដល់ការបង្កើតឡើងភាពស្អិតរមួតនិងកិច្ចសហប្រតិបត្តិការដ៏ជិតស្និទ្ធក្នុងប្លុកអាស៊ាន។

លោកស្រីឯកអគ្គរដ្ឋទូតក៏បានគូសបញ្ជាក់ថា វៀតណាមជាទីផ្សារដ៏សំខាន់របស់សឹង្ហបុរី ហើយវិនិយោគិនសឹង្ហបុរីកំពុងស្វែងរកកាលានុវត្តភាពវិនិយោគនៅវៀតណាម ជាពិសេសគឺលើវិស័យថ្មីៗដូចជា ការចាប់ផ្ដើមអាជីវកម្ម (start-up) និងទីក្រុងឆ្លាតវៃ។ នេះគឺជាវិស័យដ៏សមស្របនឹងអាទិភាពក្នុងទិសដៅអភិវឌ្ឍរបស់រដ្ឋាភិបាល​វៀតណាម៕

តាម VOV5 - វិទ្យុសំឡេងវៀតណាម

ប្រធានរដ្ឋសភា លោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand

ប្រធានរដ្ឋសភា លោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand

នាព្រឹកថ្ងៃទី២៧ ខែមីនា ឆ្នាំ២០២៤ នៅឯវិមានរដ្ឋសភា (ហាណូយ) ប្រធានរដ្ឋសភាវៀតណាមលោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand ប្រធានអនុគណៈកម្មការទទួលបន្ទុកការគំរាមកំហែងដែលកំពុងកើតមាន គណៈកម្មការកិច្ចការយោធានៃព្រឹទ្ធសភាអាមេរិក ជាមួយគណៈប្រតិភូសមាជិកសភា តំណាងគណៈបក្សនយោបាយនិងបណ្តារដ្ឋនៅអាមេរិក ដែលកំពុងបំពេញទស្សនកិច្ចការងារនៅវៀតណាម។

Top