ព័ត៌មាន
គណៈប្រតិភូយោធាជាន់ខ្ពស់វៀតណាមចូលរួមសន្និសីទថ្នាក់រដ្ឋមន្ត្រីការពារជាតិនៃបណ្ដាប្រទេសអាស៊ាន
គណៈប្រតិភូយោធាជាន់ខ្ពស់វៀតណាមចូលរួមសន្និសីទថ្នាក់រដ្ឋមន្ត្រីការពារជាតិនៃបណ្ដាប្រទេសអាស៊ាន
ទទួលសេចក្ដីអញ្ជើញរបស់រដ្ឋមន្ត្រីក្រសួងការពារជាតិហ្វីលីពីន លោក Delfin Lorenzana គណៈប្រតិភូយោធាជាន់ខ្ពស់វៀតណាម ដឹកនាំដោយនាយឧត្តសេនីយ៍ លោក Ngo Xuan Lich រដ្ឋមន្ត្រីក្រសួងការពារប្រទេស នឹងអញ្ជើញចូលរួមសន្និសីទថ្នាក់រដ្ឋមន្ត្រីការពារជាតិ នៃបណ្ដាប្រទេសអាស៊ាន (ADMM ) លើកទី១១ សន្និសីទថ្នាក់រដ្ឋមន្ត្រីការពារជាតិ បណ្ដាប្រទេសអាស៊ានបើកទូលាយ (ADMM +) លើកទី ៤ និងបំពេញទស្សនកិច្ចជាផ្លូវការ នៅសាធារណរដ្ឋហ្វីលីពីន ចាប់ពីថ្ងៃទី ២៣ ដល់ ថ្ងៃទី២៧ ខែតុលា ឆ្នាំ២០១៧។
ការដែលចូលរួមបណ្ដាសន្និសីទ នៃគណៈប្រតិភូយោធាជាន់ខ្ពស់វៀតណាម បានបង្ហាញពីការចូលរួមយ៉ាងសកម្ម ម្ចាស់ការ និងមានការទទួលខុសត្រូវរបស់វៀតណាម លើវិស័យសហប្រតិបត្តិការ ក្នុងក្របខ័ណ្ឌសហប្រតិបត្តិការការពារជាតិអាស៊ាន ហើយអះអាងតួនាទីរបស់វៀតណាម ចំពោះតបន់ និងពិភពលោក តាមរយៈរាល់សកម្មភាពនៅវេទិកាពហុភាគី ក៏ដូចជាការជំរុញកិច្ចខិតខំប្រឹងប្រែងរួម សំដៅរក្សាសន្តិភាព ស្ថិរភាព និងអភិវឌ្ឍន៍នៅលើតំបន់។
ទន្ទឹមនឹងនោះ ដំណើរទស្សនកិច្ចជាផ្លូវការនៅហ្វីលីពីន របស់គណៈប្រតិភូយោធាជាន់ខ្ពស់វៀតណាម គឺសំដៅផ្លាស់ប្ដូរខ្លឹមសារ វិធានការសហប្រតិបត្តិការទ្វេភាគីនាពេលខាងមុខ ហើយរួមចំណែកពង្រឹង និងពង្រីកទំនាក់ទំនងដៃគូយុទ្ធសាស្ត្រ រវាងប្រទេសទាំងពីរ៕
តាម VOV5 - វិទ្យុសម្លេងវៀតណាម