ប្រធានរដ្ឋសភាវតណាមលោក Vuong Dinh Hue បានអបអរ សាទរកិច្ចសហប្រតិបត្តិការរវាងក្រុមហ៊ុន NG Biotech របស់បារាំងជាមួយសហគ្រាស វៀតណាមដូចជា សម្ព័ន្ធក្រុមហ៊ុន Vingroup ក្នុងការផ្ទេរប្រគល់បច្ចេកវិទ្យា ត្រៀម រៀបចំផលិតឧបករណ៍ធ្វើតេស្តរហ័សអង់ទីហ្សែន SARS-CoV-2 សម្រាប់ផ្គត់ផ្គង់ដល់ ទីផ្សារវៀតណាម ព្រមទាំងនាំចេញទៅកាន់ទីផ្សារដទៃទៀតផងដែរ។

ប្រធានរដ្ឋសភា វៀតណាមលោក Vuong Dinh Hue អញ្ជើញទទួលជួបជាមួយ លោក Milovan Stankov ស្ថាបនិកនិងជានាយកបច្ចេកវិទ្យានៃក្រុមហ៊ុន NG Biotech នៅទីក្រុងហាណូយ។ (រូបថត៖ VOV)

នៅរសៀលថ្ងៃទី១៥ ខែតុលា នៅទីក្រុងហាណូយ អញ្ជើញទទួលជួបជាមួយ លោក Milovan Stankov ស្ថាបនិកនិងជានាយកបច្ចេកវិទ្យានៃក្រុមហ៊ុន NG Biotech នៅទីក្រុងហាណូយ ប្រធានរដ្ឋសភា វៀតណាមលោក Vuong Dinh Hue បានអបអរ សាទរកិច្ចសហប្រតិបត្តិការរវាងក្រុមហ៊ុន NG Biotech របស់បារាំងជាមួយសហគ្រាស វៀតណាមដូចជា សម្ព័ន្ធក្រុមហ៊ុន Vingroup ក្នុងការផ្ទេរប្រគល់បច្ចេក វិទ្យា ត្រៀម រៀបចំផលិតឧបករណ៍ធ្វើតេស្តរហ័សអង់ទីហ្សែន SARS-CoV-2 សម្រាប់ផ្គត់ផ្គង់ដល់ ទីផ្សារវៀតណាម ព្រមទាំងនាំចេញទៅកាន់ទីផ្សារដទៃទៀតផងដែរ។ លោកប្រធាន រដ្ឋសភា Vuong Dinh Hue ក៏បានស្វាគមន៍គំនិតដែលក្រុមហ៊ុន NG Biotech បន្តសហ ប្រតិបត្តិការជាមួយដៃគូវៀតណាមនានាដូចជាសម្ព័ន្ធក្រុមហ៊ុន T&T ក្នុងការបង្កើតមជ្ឈ មណ្ឌលស្រាវជ្រាវបង្ការទប់ស្កាត់ជម្ងឺរាតត្បាត SARS-CoV-2 និងជម្ងឺឆ្លងផ្សេងៗទៀត។ លោកប្រធានរដ្ឋសភាបានសង្កត់ធ្ងន់ថា វៀតណាមយកចិត្តទុកដាក់ខ្ពស់ដល់ការ កែលម្អបរិយាកាសវិនិយោគអាជីវកម្ម សំដៅបង្កលក្ខណៈងាយស្រួលបន្ថែមទៀតដល់ សហគ្រាសនៅទាំងក្នុងនិងក្រៅប្រទេសដើម្បីទាក់ទាញការវិនិយោគ ជាពិសេសលើ វិស័យអាទិភាពមួយចំនួនដូចជាសុខាភិបាលនិងអប់រំ។

រីឯខ្លួនវិញ លោក Milovan Stankov បានសម្ដែងបំណងចង់បានចែករំលែកបច្ចេកវិទ្យាលើវិស័យស្រាវជ្រាវ អភិវឌ្ឍនិងចែកចាយផលិតផលជីវសាស្ត្រ ថ្នាំព្យាបាល និងឧបករណ៍ធ្វើតេស្តរហ័សប្រកបដោយគុណភាពខ្ពស់ ដើម្បីជួយវៀតណាមលើក កំពស់សមត្ថភាពក្នុងការបង្ការទប់ស្កាត់ជម្ងឺរាតត្បាតកូវីដ- ១៩និយាយដោយឡែកនិងជម្ងឺឆ្លងផ្សេងទៀតនិយាយរួម៕

តាម VOV5 - វិទ្យុសម្លេងវៀតណាម