លោកស្រី Irina Bokava អគ្គនាយិការអង្គការ UNESCO នៅ ក្នុងការទទួលជួបជាមួយអនុរដ្ឋមន្ត្រីការបរទេសវៀតណាម
លោក Le Hoai Trung ប្រធានគណៈកម្មាធិការជាតិ UNESCO វៀតណាម (រូបថតៈ TTXVN)
វៀតណាមជានិច្ចកាលជាប្រទេសនាំមុខនិងជាគំរូអំពីការអនុវត្តប្រកបដោយជោគជ័យ នូវកម្មវិធីសកម្មភាពរបស់អង្គការអប់រំ វិទ្យាសាស្ត្រ និងវប្បធម៌របស់អង្គការសហប្រជាជាតិ (UNESCO)។ UNESCO វាយតម្លៃខ្ពស់ចំពោះរាល់ការរួមចំណែកជាក់ស្តែងរបស់វៀតណាម សម្រាប់ការអនុវត្តបេសកកម្មរួមរបស់អង្គការនេះ។ នេះជាមតិរបស់លោកស្រី Irina Bokava អគ្គនាយិការអង្គការ UNESCO នៅក្នុងការទទួលជួប ជាមួយអនុរដ្ឋមន្ត្រីការបរទេសវៀតណាម លោក Le Hoai Trung ប្រធានគណៈកម្មាធិការជាតិ UNESCO វៀតណាម នាព្រឹកថ្ងៃទី២៨ ខែមេសា ឆ្នាំ២០១៧ ក្នុងក្របខ័ណ្ឌចូលរួមកិច្ចប្រជុំក្រុមប្រឹក្សាប្រតិបត្តិ UNESCO លើកទី២០ ដែលប្រព្រឹត្តទៅនៅទីក្រុងប៉ារីសប្រទេសបារាំង។ លោកស្រីឲ្យដឹងថែមទៀតថា UNESCO ជានិច្ចកាលនឹងគាំទ្រវៀតណាម លើវិស័យជាប្រៀបខ្លាំងរបស់ខ្លួន។ រីឯខ្លួនវិញ លោក Le Hoai Trung បានអះអាងថា វៀតណាមនឹងបន្តរួមចំណែកសកម្មទៅក្នុងដំណើរការ កំណត់ទិសដៅសកម្មភាព ក៏ដូចជាអនុវត្តរាល់សកម្មភាពរបស់ UNESCO។ វៀតណាមមានបំណង បន្តកិច្ចសហប្រតិបត្តិការនិងទទួលបានការឧបត្ថម្ភ របស់ UNESCO លើវិស័យអប់រំ វិទ្យាសាស្ត្រ វប្បធម៌ និងព័ត៌មាន៕
តាម VOV5 - វិទ្យុសំឡេងវៀតណាម
