នាថ្ងៃសៅរ៍ចុងសប្តាហ៍ បន្ទាប់ពីរួមគ្នាពោលពាក្យសន្យា “ខ្ញុំនឹងមិនពោលពាក្យអសុរសលើរូបគំនូរខ្លួនឯងថាអាក្រក់ មិនពោលពាក្យបង្អាប់លើរូបគំនូរអ្នកដទៃថាអាក្រក់ មិនពោលពាក្យបង្អាប់លើរូបគំនូរមិត្តឯងថាអាក្រក់ មិនពឹងអ្នកដទៃគូរជំនួសខ្លួន សូមសន្យាៗ” សិក្ខាកាមគ្រប់វ័យក្នុងថ្នាក់គំនូរ Tipsy Art ចាប់ផ្តើមឈានចូលម៉ោងរៀនពោរពេញទៅដោយចំណូលចិត្តនិងទឹកមុខរីករាយ។ បន្ទាប់មក គ្រូបង្រៀនចាប់ផ្តើមណែនាំទាក់ទាញអារម្មណ៍សិក្ខាកាមទៅលើរូបគំនូរ ក្រោមប្រធានបទ៖ “បណ្តែតប្រទីប”។ សិក្ខាកាមគ្រប់វ័យជិត៣០នាក់ មិនឃ្លាតភ្នែកពីផ្ទាំងគំនូរគំរូផង ស្តាប់គ្រួបង្រៀនណែនាំអំពីទម្រង់ប្លង់គំនូរ របៀបលាយថ្នាំពណ៌សម្រាប់គូរផ្ទៃជើងមេឃ របៀបលាយថ្នាំពណ៌មេឃពណ៌ព្រីងទុំនាពេលអស្តង្គត និងទម្រង់ប្លង់ទូកបណ្តែតប្រទីបផង...។ល។ រាល់ពេលណែនាំសម្រេចមួយចំណែកនៃផ្ទាំងគំនូររួចស្រេច គ្រួបង្រៀនសុទ្ធតែទុកឲ្យសិក្ខាកាមអនុវត្តដោយខ្លួនឯង ក្នុងអំឡុងពីរឬបីនាទី រួចបន្តចំណែកមួយផ្សេង រហូតដល់គំនូរបានសម្រេចជាស្ថាពរ។
រាល់ម៉ោងរៀននៃ Tipsy Art តែងអូសបន្លាយរយៈពេលបីម៉ោង ទន្ទឹមនោះមិនបង្កើតឲ្យអ្នករៀនមានអារម្មណ៍ជិនណាយដោយពេលវេលាវែង ពីព្រោះបរិយាកាសក្នុងម៉ោងរៀនមានភាពធូរស្រាល បើកទូលាយ សិក្ខាកាមពិភាក្សាសេរីអំពីរូបគំនូរនិងរបៀបគូរ។ រាល់ចុងសប្តាហ៍នឹងមានប្រធានបទរូបគំនូរមួយផ្សេងៗ ដែលគ្រូបង្រៀន Tipsy Art ជាអ្នកគូរដំបូង។ ការជ្រើសរើសប្រធានបទរូបគំនូរផ្សេងៗ សម្រាប់សម្តែងបង្ហាញគឺមិនធម្មតា ពីព្រោះត្រូវការភាពជិតស្និទ្ធផង ត្រូវការភាពថ្មីផង ដើម្បីទាក់ទាញចិត្តអ្នកគូរ។
 បរិយាកាសសិល្បៈ Tipsy Art តែងបង្កើតភាពស្រស់ស្រាយ លំហែអារម្មណ៍សម្រាប់សិក្ខាកាមចូលរួមថ្នាក់រៀន។  “ពិធីការ” សំណើចដាក់ដៃលើរូបគំនូរ អនុវត្តពាក្យសន្យាពេលថ្នាក់រៀនចាប់ផ្តើម។  ឧបករណ៍សាមញ្ញសម្រាប់គូរសម្រេចរូបគំនូរ គឺគ្រាន់តែជក់មួយដើមនិងប្រអប់ពណ៌មួយប្រអប់ យើងអាចគូរ បានរូបគំនូរមួយផ្ទាំងដ៏រស់រវើក។  រាល់សិក្ខាកាមសុទ្ធតែលង់អារម្មណ៍ក្នុងបរិយាកាសសិល្បៈរៀងៗខ្លួននៅរាល់ម៉ោងរៀនក្នុងថ្នាក់ Tipsy Art។  សិក្ខាកាមទាំងឡាយនឹងបានណែនាំរបៀបវាស់អត្រា ទម្រង់ប្លង់នៃរូបគំនូរមុនពេលដាក់ជក់គូរ។  បន្ទាប់ពីអនុវត្តសម្រេចដំណាក់កាលមួយ គ្រូបង្រៀននឹងណែនាំសិក្ខាកាមគូរបន្តរហូតដល់ពេលផ្ទាំងគំនូរបានសម្រេច។  Tipsy Art មិនសាមញ្ញជាថ្នាក់រៀនគូរប៉ុណ្ណោះទេ នៅទាំងជាទីកន្លែងលេងសប្បាយ ប្រជុំក្រុមមិត្ត និងសាច់ញាតិនៅក្នុងគ្រូសារ។  សិក្ខាកាមទាំងឡាយចូលរួមថា្នក់រៀន Tipsy Art នឹងបានមិត្តណែនាំរបៀបកាន់ជក់និងគូសគំនូសលម្អិត។  ដើម្បីធ្វើឲ្យគំនូសក្លាយជាមានភាពរស់រវើក និងសំឡឹងមើលទៅពិតប្រាកដជាង សិក្ខាកាមទាំងឡាយប្រើដៃដើម្បីបង្កើតជា បំណែកស្រទាប់នៅលើរូបគំនូរ។  ក្រៅពីចំណេះដឹងមូលដ្ឋាន ហើយបានណែនាំគូរតាមប្រធានបទផ្សេងៗ សិក្ខាកាមទាំងឡាយនៅអាចច្នៃប្រឌិតបន្ថែមទម្រង់ប្លង់ និងរចនា ដោយខ្លួនឯង ដើម្បីរូបគំនូរមើលទៅមានភាពរស់រវើកជាង។  មិត្តអ្នកណែនាំ Tipsy Art តែងពីគ្រោះប្រឹក្សាអស់ពីចិត្តរាល់ពេលសិក្ខាកាមត្រូវការជំនួយ។  ក្នុងរាល់ម៉ោងរៀននៃ Tipsy Art សិក្ខាកាមផ្ចិតផ្ចង់ច្នៃប្រឌិតលើរូបគំនូររបស់ខ្លួន ទើបអារម្មណ៍ stress និងនឿយហត់តែងបានបំបាត់ទៅ។  សិក្ខាកាមទាំងឡាយថតរូបអនុស្សាវរីយ៍ក្រោយម៉ោងរៀន។ |
យកគំនិតពីទម្រង់រូបភាពគូរគំនូរស្រស់ស្រាយ នៅប្រទេសមួយចំនួននៃលោកខាងលិច Tipsy Art ជាក្រុមផ្តើមអាជីវកម្មរួមមានសមាជិក ប៉ូយធូង៉ឹន (Bui Thu Ngan) ង្វៀនធូត្រាញ (Nguyen Thu Trang)។ ពួកគាត់រួមគា្នបង្កើតទម្រង់ រូបភាពថ្នាក់គំនូរ ដើម្បីបំបាត់ stress ដំបូងនៅក្រុងហាណូយ ចាប់ពីខែធ្នូរឆ្នាំ២០១៥។ បងស្រី ង្វៀនធូត្រាង (Nguyen Thu Trang)៖ “ពាក្យថា Art នៅក្នុង Tipsy Art មានន័យថាសិល្បៈ រីឯ Tipsy មានន័យថាអណ្តែតអណ្តូងគ្មានព្រំដែន។ ទម្រង់រូបភាពនេះ ចង់ឆ្ពោះទៅរកអារម្មណ៍អណ្តែតអណ្តូង - ភ្លេចអស់មេឃដីរបស់អ្នកគូរ ពេលគូរគំនូរ ហើយផ្តោតអារម្មណ៍ ដូងព្រលឹងខ្លួន ទៅលើផ្ទាំងគំនូរនៅចំពោះមុខ និងជក់គូររបស់ខ្លួន ដើម្បីអ្នកគូរបំបាត់ stress ព្រួយកង្វល់។ Tipsy Art ចង់នាំយករបៀបខិតជិតសិល្បៈថ្មីមួយ ចង់ឲ្យមនុស្សគ្រប់គ្នាបំភ្លេចភាពកង្វល់នៃជីវភាព ផ្តល់ពេលវេលាបីម៉ោងថែទាំស្មារតី”។
នៅវៀតណាមសព្វថ្ងៃ ភាគច្រើនទម្រង់រូបភាព start-up បញ្ចូលទៅក្នុងវិស័យសេដ្ឋកិច្ច ការជ្រើសរើសផ្តើមអាជីវកម្មរបស់ Tipsy Art ក្នុងវិស័យសិល្បៈបានវាយតម្លៃហានិភ័យបង្គួរ។ ទោះបីយ៉ាងណាក៏ដោយ អ្នកបង្កើត Tipsy Art បែរជឿជាក់ថានរណាក៏មានចំណែកសិល្បៈនៅក្នុងខ្លួន និងអារម្មណ៍ត្រូវការបញ្ចេញនិងសម្តែង ដូច្នេះទើបយើងខ្ញុំកសាង Tipsy Art ក្រោមស្មារតីប្រមូលផ្តុំបញ្ជ្រាបបំផុសគំនិតគូរគំនូរ ដល់មនុស្សដែលមិនទាន់ចូលជិតជាមួយសិល្បៈ។ ប្រការនេះមើលទៅសែនពិបាក ពីព្រោះគ្មាននរណាម្នាក់គិតថាខ្លួនគប្បីរៀនគូរ។ ប៉ុន្តែមកដល់ Tipsy Art សិក្ខាកាមទទួលបានផលច្រើនជាងបើប្រៀបនឹងបំណងប្រាថ្នាដំបូង។ លទ្ធផលនៃសិក្ខាកាមម្នាក់ បន្ទាប់ពីម៉ោងរៀន មិនត្រឹមតែគូរសម្រេចរូបគំនូរ នៅជានាទីស្រស់ស្រាយលំហែអារម្មណ៍ ពេលនៅក្បែរមិត្តភក្តិថ្មីទើបនឹងស្គាល់ ហើយក៏ជាការតភ្ជាប់ថ្មីអំពីស្មារតី និងបទពិសោធន៍ថ្មី។
ទោះបីជា start-up មួយ មានវ័យក្មេងនៅឡើយ ទន្ទឹមនោះ Tipsy Art ទទួលបានជោគជ័យពិតប្រាកដ និងទាក់ទាញមនុស្សជាច្រើនមកពិសោធន៍។ សំឡឹងមើលលទ្ធផល ដែល Tipsy Art សម្រេចបានសព្វថ្ងៃនេះ យើងខ្ញុំបានឃើញកម្លាំងលះបង់របស់សមាជិកទាំងឡាយ ពិតជាសក្តិសមជាទីបំផុត។ Tipsy Art ជា start-up មួយក្នុងចំណោម start-up ដំបូង អនុវត្តទម្រង់រូបភាពនេះនៅវៀតណាម តែងជួបប្រទះឧបសគ្គកង្វះពីបុគ្គលិក ប្រតិបត្តិការក្រុមហ៊ុន និងកម្រៃដំបូង។ “ផ្តើមបង្កើត Tipsy Art ពោរពេញទៅដោយឧបសគ្គ ទន្ទឹមនោះពេលរួមគ្នាអនុវត្តទម្រង់រូបភាពនោះ យើងខ្ញុំឃើញវាកាន់តែមានចំណាប់អារម្មណ៍ខ្លាំង យើងខ្ញុំផ្សារភ្ជាប់ជាមួយវាដូចជាសាច់ញាតិ សិក្សាបានបទពិសោធន៍ទៅវិញទៅមក និងមតិប្រតិកម្មនៃសិក្ខាកាម - អតិថិជនល្អប្រពៃ” បងស្រីត្រាង (Trang) ឲ្យដឹង។
សាខាពីរនៅក្រុងហាណូយនិងក្រុងហូជីមិញ Tipsy Art សព្វថ្ងៃទាក់ទាញអតិថិជនជាច្រើនមកចូលរួមគូររូបយ៉ាងកុះករ។ មកដល់សព្វថ្ងៃ ក្រោយ២ឆ្នាំបង្កើតឡើង Tipsy Art លក់បាន១២.៥០០ផ្ទាំងគំនូរ ជាមួយអតិថិជន៨០០០នាក់ (អ្នកចូលរួមគូរគំនូរ) អ្នកដែលចូលរួមគូរច្រើនបំផុតគឺ៣៧លើក។ នេះជាតួលេខសឲ្យឃើញការខិតខំបង្គួរ របស់ Tipsy Art - start-up វ័យក្មេងមួយ បាននាំយកសិល្បៈទៅជិតនិងមានប្រយោជន៍ជាង ក្នុងជីវភាពសព្វថ្ងៃ៕
អត្ថបទ៖ ធុកហៀន រូបថត៖ ខាញ់ឡុង
