លោកប្រធានរដ្ឋ Nguyen Xuan Phuc បានសង្កត់ធ្ងន់ថា ភាគីទាំងពីរបានសហការយ៉ាងល្អនៅវេទិកាពហុភាគីនិងក្នុងវិស័យសេដ្ឋកិច្ច ពាណិជ្ជកម្ម និងវិនិយោគ។

ប្រធានរដ្ឋវៀតណាមលោក Nguyen Xuan Phuc ទទួលជួបឯកអគ្គរដ្ឋទូតអាហ្រ្វិកខាងត្បូងប្រចាំនៅវៀតណាម លោក Mpetjane Kgaogelo Lekgoro ក្នុងឱកាសដែលឯកអគ្គរដ្ឋទូតបញ្ចប់បេសកម្មការទូតនៅវៀតណាម (រូបថត៖ TTXVN)

នារសៀលថ្ងៃទី ១៥ ធ្នូ នៅទីក្រុងហាណូយ ប្រធានរដ្ឋវៀតណាម លោក Nguyen Xuan Phuc បានអញ្ជើញទទួលជួបឯកអគ្គរដ្ឋទូតអាហ្វ្រិកខាងត្បូងប្រចាំនៅវៀតណាម លោក Mpetjane Kgaogelo Lekgoro ក្នុងឱកាសលោកឯកអគ្គរដ្ឋទូតបញ្ចប់អាណត្តិបេសកកម្មការទូតនៅវៀតណាម។

លោកប្រធានរដ្ឋ Nguyen Xuan Phuc បានសង្កត់ធ្ងន់ថា ភាគីទាំងពីរបានសហការយ៉ាងល្អនៅវេទិកាពហុភាគីនិងក្នុងវិស័យសេដ្ឋកិច្ច ពាណិជ្ជកម្ម និងវិនិយោគ។ ថ្វីត្បិតដូច្នេះក៏ដោយ នៅតែមានសក្តានុពលជាច្រើនក្នុងការជំរុញលទ្ធផលកិច្ចសហប្រតិបត្តិការទ្វេភាគីនាពេលខាងមុខ។ ប្រធានរដ្ឋ លោក Nguyen Xuan Phuc បានស្នើថា ភាគីទាំងពីរខិតខំប្រឹងប្រែងជំរុញការផ្លាស់ប្តូរគណៈប្រតិភូ ជាពិសេសគណៈប្រតិភូជាន់ខ្ពស់; បន្តកិច្ចប្រជុំអន្តររដ្ឋាភិបាលវៀតណាម - អាហ្រ្វិកខាងត្បូង ដើម្បីស្វែងរកមធ្យោបាយលុបបំបាត់ឧបសគ្គ និងពង្រឹងការជំរុញពាណិជ្ជកម្ម។

រីឯលោកឯកអគ្គរដ្ឋទូត Mpetjane Kgaogelo Lekgoro មានលើកឡើងថា កិច្ចសហប្រតិបត្តិការពាណិជ្ជកម្មគឺជាចំណុចភ្លឺស្វាងក្នុងទំនាក់ទំនងរវាងប្រទេសទាំងពីរនាពេលកន្លងមក។ លោក ឯកអគ្គរដ្ឋទូតបានអះអាងថា អាហ្រ្វិកខាងត្បូងយកចិត្តទុកដាក់លើការជំរុញកិច្ចសហប្រតិបត្តិការជាមួយវៀតណាមនៅវេទិកាពហុភាគី និងអង្គការអន្តរជាតិនានាជានិច្ច៕

តាម VOV5 - វិទ្យុសម្លេងវៀតណាម