កិច្ចប្រជុំរយៈពេលពីរថ្ងៃដែលដឹកនាំដោយប្រទេសឥណ្ឌូនេស៊ី និងម៉ាឡេស៊ី មានគោល បំណងបន្តការពិភាក្សាអំពីការអភិវឌ្ឍ នៃសេចក្តីថ្លែងការណ៍ចក្ខុវិស័យសហគមន៍អាស៊ានក្រោយឆ្នាំ ២០២៥។
HLTF-ACV បានធ្វើការពិគ្រោះយោបល់ជាមួយភាគីពាក់ព័ន្ធ រួមមាន គណៈកម្មការអន្តររដ្ឋាភិបាលអាស៊ានស្តីពីសិទ្ធិមនុស្ស (AICHR) មជ្ឈមណ្ឌលអាស៊ានសម្រាប់ជីវចម្រុះ (ACB) ក្រុមប្រឹក្សាប្រឹក្សាពាណិជ្ជកម្មអាស៊ាន (ABAC) វិទ្យាស្ថានស្រាវជ្រាវសេដ្ឋកិច្ចអាស៊ាន និងអាស៊ីបូព៌ា (ERIA)។ ការពិគ្រោះយោបល់ទាំងនេះមានគោលបំណងធានាថា ការបង្កើតចក្ខុវិស័យសហគមន៍អាស៊ានក្រោយឆ្នាំ ២០២៥ ត្រូវបានអនុវត្តក្នុងលក្ខណៈទូលំទូលាយ ខ្លឹមសារ តុល្យភាពប្រកបដោយបរិយាប័ន្ន៕
