ព័ត៌មាន
អាស៊ាន ២០២០៖ ឯកអគ្គរដ្ឋទូតបណ្តាប្រទេសសមាជិកអាស៊ានប្រចាំនៅរុស្ស៊ីបានវាយតម្លៃខ្ពស់ចំពោះ តួនាទីរបស់វៀតណាម
ឯកអគ្គរដ្ឋទូតវៀតណាមប្រចាំនៅរុស្ស៊ីនិងជាប្រធានគណៈកម្មាធិការអាស៊ានប្រចាំនៅទីក្រុងម៉ូស្គូ (AMC) លោក Ngo Duc Manh (រូបថត៖ TTXVN)
នារសៀលថ្ងៃទី៣១ ខែកក្កដា ឆ្នាំ២០២០ ឯកអគ្គរដ្ឋទូតវៀតណាមប្រចាំនៅរុស្ស៊ីនិងជាប្រធានគណៈកម្មាធិការអាស៊ានប្រចាំនៅទីក្រុងម៉ូស្គូ (AMC) លោក Ngo Duc Manh បានអញ្ជើញធ្វើជាអធិបតីក្នុងកិច្ចប្រជុំ AMC ដោយមានការចូលរួមរបស់ឯកអគ្គរដ្ឋទូតចំនួន ១០ មកពីប្រទេសសមាជិកអាស៊ានប្រចាំនៅរុស្ស៊ីផងដែរ។
នៅក្នុងកិច្ចប្រជុំនេះ ប្រធាន AMC ឆ្នាំ ២០២០ ឯកអគ្គរដ្ឋទូត Ngo Duc Manh បានអញ្ជើញចែករំលែកនិងធ្វើបច្ចុប្បន្នភាពព័ត៌មានស្តីពីស្ថានភាពនៃការបង្ការនិងប្រយុទ្ធប្រឆាំងនឹងជំងឺរាតត្បាតកូវីដ១៩ នៅវៀតណាម និងសកម្មភាពនានារបស់ វៀតណាមក្នុងនាមជាប្រធានអាស៊ានឆ្នាំ ២០២០ ព្រមទាំងលើកឡើងនូវវិធានការមួយចំនួនដើម្បីពង្រឹងការសម្របសម្រួលក្នុងក្របខ័ណ្ឌ AMC ជាមួយដៃគូរុស្ស៊ីផងដែរ។
ឯកអគ្គរដ្ឋទូតទាំងឡាយក៏បានវាយតម្លៃខ្ពស់ចំពោះតួនាទីនិងកិច្ចខិតខំប្រឹងប្រែង របស់វៀតណាម ក្នុងនាមជាប្រធានអាស៊ាន ដែលបានធ្វើសកម្មភាពជាច្រើនដើម្បីដឹកនាំនិងអនុវត្តរបៀបវារៈ ជាពិសេសក្នុងការរៀបចំប្រកបដោយជោគជ័យនូវកិច្ចប្រជុំកំពូលអាស៊ានលើកទី ៣៦ តាមទំរង់ប្រព័ន្ធវីដេអូក្នុងបរិបទដែលជំងឺរាតត្បាតកូវីដ១៩ នៅតែវិវត្តន៍យ៉ាងស្មុគស្មាញផងដែរ៕
តាម VOV5 - វិទ្យុសំឡេងវៀតណាម
