អគ្គលេខាបក្ស លោក តូ ឡឹម អញ្ជើញទទួលជួបជាមួយលោកឧត្តមសេនីយ៍ Vilay Lakhamphong សមាជិកការិយាល័យនយោបាយ ឧបនាយករដ្ឋមន្ត្រី រដ្ឋមន្ត្រីក្រសួងនគរបាលឡាវ (រូបថត៖ Thong Nhat/TTXVN)
ក្នុងជំនួបនេះ អគ្គលេខាបក្សលោក តូ ឡឹម បានវាយតម្លៃខ្ពស់ចំពោះកិច្ចសហប្រតិបត្តិការជិតស្និទ្ធ និងមានប្រសិទ្ធភាពរវាងក្រសួងនគរបាលនៃប្រទេសទាំងពីរ ដោយអះអាងថា នេះគឺជាសសរស្តម្ភមួយក្នុងទំនាក់ទំនង វៀតណាម-ឡាវ។ លោកអគ្គលេខាបក្សបានស្នើថា នាពេលខាងមុខ ក្រសួងនគរបាលនៃប្រទេសទាំងពីរបន្តគាំទ្រ និងជួយគ្នាទៅវិញទៅមក បង្កើនការផ្លាស់ប្តូរព័ត៌មាន និងបទពិសោធន៍ការងារ ក្តាប់ជាប់ស្ថានការណ៍ និងសម្របសម្រួលប្រកបដោយប្រសិទ្ធភាពក្នុងការប្រយុទ្ធប្រឆាំងនឹងអំពើភេរវកម្ម។ កិច្ចសហប្រតិបត្តិការជិតស្និទ្ធក្នុងការទប់ស្កាត់ និងប្រយុទ្ធប្រឆាំងនឹងឧក្រិដ្ឋកម្មឆ្លងដែន ជាពិសេសឧក្រិដ្ឋកម្មគ្រឿងញៀន ការធានាសន្តិសុខ សណ្តាប់ធ្នាប់ និងការកសាងព្រំដែនប្រកបដោយសន្តិភាព ស្ថិរភាព និងការអភិវឌ្ឍ។ លោកអគ្គលេខាបក្សបានសង្កត់ធ្ងន់ថា ភាគីទាំងសងខាងបានប្តេជ្ញាចិត្ត និងតស៊ូមិនអនុញ្ញាតឱ្យកងកម្លាំងអរិភាព ទាញយកផលប្រយោជន៍ពីទឹកដីរបស់ប្រទេសមួយ ដើម្បីបំផ្លិចបំផ្លាញភាគីម្ខាងទៀត។
រីឯខ្លួនវិញ ឧបនាយករដ្ឋមន្ត្រី និងជារដ្ឋមន្ត្រីក្រសួងនគរបាលឡាវ លោក Vilay Lakhamphong បានថ្លែងអំណរគុណយ៉ាងស្មោះស្ម័គ្រចំពោះវៀតណាម ចំពោះការគាំទ្រ និងជំនួយដ៏ធំធេង ទាន់ពេលវេលា និងប្រកបដោយប្រសិទ្ធភាព ដែល វៀតណាមបានលៃទុកសម្រាប់ឡាវរហូតមកដល់ពេលនេះ។ លោកបានអះអាងថា ក្រសួងនគរបាលឡាវនឹងបន្តសម្របសម្រួលយ៉ាងជិតស្និទ្ធ ជាមួយក្រសួងនគរបាល វៀតណាមក្នុងការការពារសន្តិសុខជាតិយ៉ាងម៉ឺងម៉ាត់ រក្សាសណ្តាប់ធ្នាប់ និងសុវត្ថិភាពសង្គមក្នុងគ្រប់កាលៈទេសៈ រួមចំណែកក្នុងការបង្រួបបង្រួម និងបង្កើនការពង្រឹងទំនាក់ទំនងពិសេសរវាងឡាវ និងវៀតណាម៕
