នៅខាងក្រៅមហាសន្និបាតអន្តរសភានៃប្រជាជាតិអាស៊ីអាគ្នេយ៍លើកទី៤៤ (AIPA-44) ដែលបានរៀបចំឡើងនៅទីក្រុង Jakarta ប្រទេសឥណ្ឌូនេស៊ី នារសៀលម្សិលមិញ (ថ្ងៃទី ៦ សីហា) អគ្គលេខាធិការរដ្ឋសភា និងជាប្រធានខុទ្ទកាល័យរដ្ឋសភាវៀតណាម លោក Bui Van Cuong បានអញ្ជើញជួបសន្ទនាទ្វេភាគីជាមួយអគ្គលេខាធិការនៃ សភាជាន់ទាប់ថៃ សភាជាន់ទាបឥណ្ឌូណេស៊ី និងរដ្ឋសភាឡាវ។

ក្នុងជំនួបទ្វេភាគីទាំងនេះ ភាគីទាំងពីរសុទ្ធតែបានឯកភាពគ្នាបង្កើនការ ផ្លាស់ប្តូរគណៈប្រតិភូ ផ្លាស់ប្តូរបទពិសោធន៍ប្រតិបត្តិការ និងបង្កើនកិច្ចសហប្រតិបត្តិការយ៉ាងជិតស្និទ្ធិថែមទៀតនាពេលខាងមុខ រួមចំណែកជំរុញកិច្ចសហប្រតិបត្តិការរវាងស្ថាប័ននីតិប្បញ្ញត្តិរបស់វៀតណាមជាមួយប្រទេសទាំង ៣ ដូចដែលបានពោលខាងលើ។

អគ្គលេខាធិការរដ្ឋសភា និងជាប្រធានខុទ្ទកាល័យរដ្ឋសភាវៀតណាម លោក Bui Van Cuong និងអគ្គលេខាធិការសភាជាន់ទាបថៃលោកស្រី Pornpith Phetchareon បានឯកភាពគ្នាថា ខុទ្ទកាល័យរដ្ឋសភាវៀតណាម លេខាធិការដ្ឋានរដ្ឋសភាវៀតណាម និងលេខាធិការដ្ឋានសភាជាន់ទាបថៃ នឹងចុះហត្ថលេខាលើកិច្ចព្រមព្រៀងសហប្រតិបត្តិការ ដោយគួសសញ្ញាការបោះជំហានទៅមុខក្នុងទំនាក់ទំនងទ្វេភាគី

ក្នុងជំនួបជាមួយអគ្គលេខាធិការសភាជាន់ទាបឥណ្ឌូណេស៊ីលោក Indra Iskandar អគ្គលេខាធិការរដ្ឋសភាវៀតណាម លោក Bui Van Cuong បានឯកភាពចំពោះសំណើរបស់អគ្គលេខាធិការសភាជាន់ទាបឥណ្ឌូណេស៊ីស្ដីពីការដែលលេខាធិការដ្ឋានរដ្ឋសភាវៀតណាម និងលេខាធិការដ្ឋានសភាជានទាបឥណ្ឌូណេស៊ីចាំបាច់ត្រូវបង្កើនកិច្ចសហប្រតិបត្តិការនាពេលខាងមុខ។

តាមផែនការ នាខែធ្នូ ឆ្នាំ២០២៣ កិច្ចប្រជុំកំពូលរដ្ឋសភានៃប្រទេសទាំង៣ វៀតណាម ឡាវ និងកម្ពុជា នឹងប្រព្រឹត្តទៅជាលើកដំបូង ដោយមានការចូលរួមរបស់ប្រធានរដ្ឋសភានៃប្រទេសទាំង៣ នៅទីក្រុងវៀងចន្ទន៍ (ឡាវ)។ លោកអគ្គលេខារដ្ឋសភាវៀតណាម Bui Van Cuong និងអគ្គលេខាធិការរដ្ឋសភាឡាវលោក Pingkham Lasasimma បានឯកភាពគ្នា សម្របសម្រួលយ៉ាងជិតស្និទ្ធ ដើម្បីត្រៀមរៀបចំកិច្ចប្រជុំនេះផងដែរ៕