ព្រឹត្តិការណ៍នេះត្រូវបានសមាគម សូហ្វវែរ និងសេវាកម្មបច្ចេកវិទ្យាព័ត៌មានវៀតណាម សហការជាមួយក្រសួងព័ត៌មាននិងផ្សព្វផ្សាយរៀបចំឡើង។ កម្មវិធីឆ្នាំនេះត្រូវបានពង្រីកទ្រង់ទ្រាយក្នុងតំបន់ ដែលរំពឹងថានឹងមានសម័យប្រជុំយ៉ាងស៊ីជម្រៅរបស់អង្គភាពអាជីវកម្មមកពីប្រទេសជាច្រើនក្នុងតំបន់ រួមចំណែកនាំមកនូវឱកាសសម្រាប់ការតភ្ជាប់រវាងបណ្តាមូលដ្ឋាននិងសហគ្រាសបច្ចេកវិទ្យា រវាងវៀតណាមនិងបណ្តាប្រទេសអាស៊ីក្នុងវិស័យជាច្រើននៃការផ្លាស់ប្តូរឌីជីថល។

វេទិកានេះមានសម័យពិភាក្សាចំនួន ២២ ដោយបានផ្តោតលើប្រធានបទសំខាន់ៗចំនួន ៤ រួមមាន៖ រដ្ឋាភិបាលឌីជីថល សហគ្រាសឌីជីថល សេដ្ឋកិច្ចឌីជីថល - សង្គមឌីជីថល និងបទពិសោធន៍អន្តរជាតិក្នុងការផ្លាស់ប្តូរឌីជីថល។ ទន្ទឹមនឹងនោះគឺជាសកម្មភាពនៅខាងក្រៅសន្និសីទ រួមទាំងការតាំងពិព័រណ៍ដើម្បីឧទ្ទេសនាមវេទិកានិងដំណោះស្រាយផ្លាស់ប្តូរឌីជីថលដ៏ល្អឥតខ្ចោះ; កម្មវិធីបណ្តុះបណ្តាលស្តីពីការផ្លាស់ប្តូរឌីជីថលសម្រាប់សហគ្រាសធុនតូចនិងមធ្យម សហគ្រាសផលិត និងផ្លាស់ប្តូរការយល់ដឹងអំពីផ្លាស់ប្តូរឌីជីថលសម្រាប់អ្នកដឹកនាំ។ លើសពីនេះទៅទៀត ក្នុងក្របខណ្ឌនៃព្រឹត្តិការណ៍នេះ នឹងមានវគ្គផ្លាស់ប្តូរ និងសំណួរ-ចម្លើយរបស់អ្នកជំនាញលើការផ្លាស់ប្តូរឌីជីថល ការតភ្ជាប់និងកិច្ចសហប្រតិបត្តិការក្នុងការផ្លាស់ប្តូរឌីជីថលរវាងអង្គភាព មូលដ្ឋាន សហគ្រាសក្នុងស្រុក និងអន្តរជាតិ៕