ប្រធានបទនៃវេទិការអាស៊ានគឺ “អាស៊ានមួយ ទស្សនវិស័យមួយដើម្បីកុមារ”
វៀតណាមរៀបចំវេទិការកុមារអាស៊ានលើកទី៤។ ព្រឹត្តិការណ៍នេះបានប្រព្រឹត្តទៅ ចាប់ពីថ្ងៃទី២០ ដល់ថ្ងៃទី២៣ខែមិថុនា ឆ្នាំ២០១៦ នៅទីក្រុងហាណូយដោយមានការ ចូលរួមរបស់កុមារ៣៥នាក់មកពី៨ប្រទេសក្នុងតំបន់អាស៊ាន (លើកលែងតែប៊្រុយណេ) អគ្គលេខារងអាស៊ាន តំណាងពិសេសរបស់អគ្គលេខាធិការអ.ស.បទទួលបន្ទុកអំពើហឹង្សាលើកុមារ និងតំណាងអង្គការអន្តរជាតិមួយចំនួន។ ដោយប្រធានបទ “អាស៊ានមួយ ទស្សនវិស័យមួយដើម្បីកុមារ” វេទិកាឆ្នាំនេះសំដៅឆ្ពោះទៅ សហគមន៍អាស៊ានស្និទស្នាលជាមួយកុមារ ជាកន្លែងដែលកុមារអាចចែករំលែកនិងទទួលយកអត្ថប្រយោជន៍រួម រួមចំណែកកសាងសហគមន៍អាស៊ានមួយ ដែលយកមនុស្សជាមជ្ឈមណ្ឌលនិងមានការទទួលខុសត្រូវចំពោះសង្គម។ លោកស្រី Le Kim Dung ប្រធាននាយកដ្ឋានសហប្រតិបត្តិការអន្តរជាតិនៃក្រសួង ការងារយុទ្ធជនពិការនិងសង្គមកិច្ចវៀតណាម បានឲ្យដឹងថា៖ “វៀតណាមធ្វើជាម្ចាស់រៀបចំវេទិការនេះ ដំបូងបង្អស់ គឺអនុវត្តកាតព្វកិច្ចជាសមាជិក និងសម្តែងការទទួលខុសត្រូវ និងសន្យារបស់វៀតណាម។ វេទិការជាឱកាសល្អ ហើយជាពិសេស វេទិកានេះបានរៀបចំឡើង ក្នុងខែធ្វើសកម្មភាពដើម្បីកុមារវៀតណាម។ ដោយហេតុនេះ ចំពោះវៀតណាម វាជាឱកាសសម្រាប់ជម្រុញការ ចូលរូមនិងផ្ទៀងស្តាប់នូវបំណងប្រាថ្នារបស់កុមារ។ ចំពោះតំបន់វិញ គឺជាថ្មីម្តងទៀតបានបង្ហាញនូវការសន្យា របស់វៀតណាមក្នុងតំបន់ព្រមទាំងអះអាងនូវ តួនាទីរបស់វៀតណាមក្នុងការយកមនុស្សធ្វើជាមជ្ឈមណ្ឌលនិងជម្រុញបរិយា កាសស្និទ្ធស្នាលជាមួយកុមារ”៕
តាម VOV5 - វិទ្យុសម្លេងវៀតណាម
