កាលពីថ្ងៃទី ៩ កក្កដា លោកឧត្តមសេនីយឯក Hoang Xuan Chien អនុរដ្ឋមន្ត្រីក្រសួងការពារប្រទេសវៀតណាមបានអញ្ជើញជាអធិបតីក្នុងកិច្ចប្រជុំជាមួយស្ថាប័ន និងអង្គភាពនានាដើម្បីដាក់ពង្រាយផែនការកសាងវិមានរំលឹកគុណយុទ្ធជននៃបណ្តាប្រទេសដែលបានជួយឧបត្ថម្ភវៀតណាមក្នុងសម័យសង្គ្រាម នៅឯសារមន្ទីរប្រវត្តិសាស្ត្រ យោធាវៀតណាម។ សំណង់នេះត្រូវបានកសាងក្នុងឱកាសខួបលើកទី ៨០ បដិវត្តន៍ខែសីហា (១៩ សីហា ១៩៤៥ - ១៩ សីហា ២០២៥) និងទិវាបុណ្យជាតិទី ២ កញ្ញា (២ កញ្ញា ១៩៤៥ - ២ កញ្ញា ២០២៥)។

សំណង់នេះត្រូវបានគេរំពឹងថា នឹងសាងសង់នៅលើផ្ទៃដី ៣០០០ ម៉ែត្រការ៉េ នៅក្នុងបរិវេណនៃសារមន្ទីរប្រវត្តិសាស្ត្រយោធាវៀតណាម រួមមាន៖ និមិត្តរូបរួមនៃការ ជួយឧបត្ថម្ភនិងការលះបង់របស់អ្នកជំនាញយោធាមកពីប្រទេសនានា; វិមានរំលឹក គុណអ្នកជំនាញយោធាមកពីសហភាពសូវៀត/សហព័ន្ធរុស្ស៊ី ចិន ឡាវ កម្ពុជានិង គុយបា; និងចម្លាក់លៀន។ ជុំវិញសំណង់នេះមានទីធ្លាបៃតង និងវាលស្មៅ។

បច្ចុប្បន្ននេះ ស្នងការឃោសនានិងហ្វឹកហ្វឺនបានសម្របសម្រួលជាមួយសារមន្ទីរ ប្រវត្តិសាស្ត្រយោធាវៀតណាម និងស្នងការកិច្ចការបរទេស ធ្វើការទាក់ទងនិងអញ្ជើញ អ្នកជំនាញចម្លាក់ឈានមុខគេក្នុងប្រទេស មកស្រាវជ្រាវ និងពង្រាងគំនូររូបសំណាក នៃប្រទេសទាំង ៥ ព្រមទាំងផ្ញើរគំនូរព្រាងដល់បណ្ដាប្រទេសដើម្បីផ្ដល់មតិយោបល់។

លោកឧត្តមសេនីយឯក Hoang Xuan Chien បានស្នើដល់អង្គភាពនានា ពន្លឿន ដំណើរការសាងសង់ ខិតខំសម្រេចចង្កោមរូបសំណាកដំបូងឲ្យរួចរាល់ មុនថ្ងៃទី ១៥ ខែសីហា។ តំបន់ច្រកចូល និងបរិវេណកណ្តាល ដែលជាកន្លែងដាក់តាំងរូបសំណាក ក៏ត្រូវបញ្ចប់មុនថ្ងៃទី១០ ខែសីហាផងដែរ៕