អនុរដ្ឋមន្រ្តីក្រសួងការបរទេសលោក Bui Thanh Son (រូបថត៖ TTXVN)
ក្នុងរយៈពេលស្នាក់នៅគុយបា អនុរដ្ឋមន្រ្តីលោក Bui Thanh Son បានជួប សវនាការជាមួយរដ្ឋមន្រ្តីការបរទេសគុយបាលោក Bruno Rodriguez Parrilla ចូលរួមជំនួបពិគ្រោះយោបល់នយោបាយជាមួយអនុរដ្ឋមន្រ្តីទីមួយក្រសួងការបរទេសគុយបាលោក Marcelo Medina Gonzalez ជួបពិភាក្សាការងារជាមួយថ្នាក់ដឹកនាំគណៈកម្មាធិការកិច្ចការបរទេសមជ្ឈឹមបក្សកុម្មុយនិស្តគុយបា ហើយទៅដាក់កម្រងផ្កាគោរពវិញ្ញាណក្ខ័ន្ធនៅរូបបដិមារលោកប្រធានហូជីមិញនៅរដ្ឋធានី La Habana ផងដែរ។
នៅបណ្ដាជំនួបនេះ ភាគីទាំងពីរបានឯកភាពសហការគ្នាជំរុញទំនាក់ទំនងប្រពៃណីពិសេសរវាងប្រទេសទាំងពីរក៏ដូចជារឹតបន្តឹងទំនាក់ទំនងរវាងក្រសួងការបរទេសទាំងពីរ ជាពិសេសគឺការត្រៀមរៀបចំអោយដំណើរទស្សនកិច្ចជាន់ខ្ពស់ សកម្មភាពនយោបាយ សេដ្ឋកិច្ច វប្បធម៌និងមិត្តភាពរវាងប្រជាជននៃប្រទេសទាំងពីរ ក្នុងឆ្នាំ២០២០ ក្នុងឱកាសរំលឹកខួបលើកទី៦០ទិវាបង្កើតទំនាក់ទំនងការទូត។ ក្រសួងការបរទេសទាំងពីរបានអះអាងថា នឹងសហការជាមួយក្រសួង ស្ថាប័ននានានៃប្រទេសទាំងពីរ បង្កើនកិច្ចសហប្រតិបតិ្តការសេដ្ឋកិច្ចពាណិជ្ជកម្មនិងវិនិយោគទ្វេភាគី សំដៅនាំទំហំពាណិជ្ជកម្មទ្វេភាគីឡើងដល់ទៅ ៥០០ លានដុល្លាអាមេរិកនាឆ្នាំ២០២០៕
តាម VOV5 - វិទ្យុសម្លេងវៀតណាម
