ដោយអះអាងពីការគាំទ្រយ៉ាងខ្លាំងចំពោះពហុភាគីនិយម ជាមួយអង្គការសហប្រជាជាតិដើរតួនាទីស្នូល លោកប្រធានរដ្ឋបានលើកច្បាស់ថា វៀតណាមមានស្ថិរភាព ប្រកាន់ខ្ចាប់នូវគោលនយោបាយកិច្ចការបរទេសឯករាជ្យ ខ្លួនទីពឹងខ្លួន ពហុភាគីភាវូបនីយកម្ម និងពិពិធកម្ម; ជាសមាជិកសកម្មនិងមានទំនួលខុសត្រូវនៃសហគមន៍អន្តរជាតិក្នុងការដោះស្រាយបញ្ហាសកល។ ចែករំលែកទស្សនៈវិស័យអភិវឌ្ឍន៍ជាតិក្នុងដំណាក់កាលថ្មី លោកប្រធានរដ្ឋបានស្នើឲ្យ អង្គការសហប្រជាជាតិបន្តគាំទ្រវៀតណាមលើវិស័យអាទិភាពមួយចំនួន រួមមានការអនុវត្តគោលដៅអភិវឌ្ឍន៍ប្រកបដោយចីរភាព ការកសាងរដ្ឋនីតិរដ្ឋ ការផ្លាស់ប្តូរឌីជីថល ការផ្លាស់ប្តូរបៃតង ឆ្លើយតបទៅនឹងការប្រែប្រួលអាកាសធាតុ និងបញ្ហាប្រឈមសកល។ល។
រីឯខ្លួនវិញ លោកស្រី Amina Mohammed បានវាយតម្លៃខ្ពស់ចំពោះតួនាទី និងការរួមចំណែករបស់វៀតណាមក្នុងសកម្មភាពរបស់អង្គការសហប្រជាជាតិ ហើយមានបំណងចង់ចែករំលែកបទពិសោធន៍អភិវឌ្ឍន៍ប្រកបដោយជោគជ័យរបស់វៀតណាមជាមួយដៃគូរបស់អង្គការសហប្រជាជាតិ។
ក្នុងឱកាសនេះ ភាគីទាំងពីរបានពិភាក្សាអំពីទិសដៅសម្រាប់ទំនាក់ទំនងវៀតណាម-អង្គការសហប្រជាជាតិនាពេលខាងមុខ ក្នុងនោះ រួមទាំងកំណើនបៃតង ការអភិវឌ្ឍន៍ប្រកបដោយចីរភាព ការច្នៃប្រឌិតនវានុវត្តន៍ ការផ្លាស់ប្តូរឌីជីថល ក៏ដូចជាការបង្កើនការចូលរួមរបស់យុវជននិងស្ត្រីទៅក្នុងដំណើរការទាំងនេះ៕
