ថ្លែងមតិក្នុងជំនួបនេះ លោកអគ្គលេខាបក្ស ប្រធានរដ្ឋ តូ ឡឹម បានអបអរសាទរ ចំពោះសហជីពនិយោជិតវៀតណាមដែលបានរៀបចំ និងអនុវត្តន៍ចលនានេះបានល្អ ព្រមទាំងលើកសរសើរគំរូឆ្នើមចំនួន ១៥០ នាក់ក្នុងចលនា “ធ្វើសេនាធិការល្អ បម្រើល្អ”។ លោកអគ្គលេខាបក្ស ប្រធានរដ្ឋ តូ ឡឹម បានសង្កត់ធ្ងន់ថា ប្រតិភូដែលអញ្ជើញចូលរួម ជំនួបនេះ គឺជាគំរូដ៏លេចធ្លោ ជាមួយនឹងភាពខ្លៀវក្លា ហ៊ានផ្លាស់ប្ដូរថ្មីច្នៃប្រឌិត ធ្វើ ពលកម្មប្រកបដោយផលិតភាពខ្ពស់ គុណភាពល្អ ការយកចិត្តទុកដាក់ និងការទទួល ខុសត្រូវខ្ពស់ក្នុងការងារ; បម្រើមាតុភូមិនិងប្រជាជនដោយអស់ពីសមត្ថភាព។ លោក អគ្គលេខាបក្ស ប្រធានរដ្ឋ តូ ឡឹម បានស្នើថា៖

“ខ្ញុំមានគោលបំណងថា ក្នុងភារកិច្ចនិងការងារប្រចាំថ្ងៃ ចាប់ពីធ្វើសេនាធិការលើ គោលជំហរ គោលនយោបាយធំៗ រហូតដល់ការងាររដ្ឋបាល និងការបម្រើជាក់លាក់ នីមួយៗ បុគ្គលម្នាក់ៗត្រូវផ្ទៀងស្តាប់ប្រជាជន ប្តេជ្ញាដោះស្រាយឱ្យបានទាន់ពេលវេលា ហ្មត់ចត់ និងមានប្រសិទ្ធភាពចំពោះបញ្ហាដែលកើតឡើង ទាក់ទងនឹងជីវភាពរស់នៅ របស់ប្រជាជន និងការលំបាករបស់អង្គការ និងអាជីវកម្ម។ ត្រូវតែដាក់ខ្លួនយើងនៅ ទីតាំងរបស់ប្រជាជន ពេលនោះយើងធ្វើសេនាធិការ ស្នើគោលនយោបាយ ឬដោះ ស្រាយបែបបទរដ្ឋបាលទើបមានប្រសិទ្ធភាព”។

លោកអគ្គលេខាបក្ស ប្រធានរដ្ឋ តូ ឡឹម ក៏បានក្រើនរំលឹកផងដែរថា ក្នុងបរិបទ នៃសកលភាវូបនីយកម្ម និងបដិវត្តន៍ឧស្សាហកម្មទីបួន ដោយយកបរិវត្តកម្មឌីជីថល បរិវត្តកម្មបៃតង និងសេដ្ឋកិច្ចចំណេះដឹងជាមូលដ្ឋានគ្រឹះនោះ ជួរកម្មាភិបាល មន្ត្រី រដ្ឋការ និយោជិតនិងពលករ ត្រូវតែមានភាពស្វាហាប់ ភាពច្នៃប្រឌិតយ៉ាងពិតប្រាកដ មានស្មារតីសិក្សារៀនសូត្រដោយខ្លួនឯង ធ្វើបច្ចុប្បន្នភាពចំណេះដឹង អភិវឌ្ឍន៍ជំនាញដោយឥតឈប់ឈរដើម្បីបំពេញតម្រូវការនៃស្ថានភាពថ្មី៕