ព័ត៌មាន
លោកអគ្គលេខាបក្ស ប្រធានរដ្ឋ តូ ឡឹម ជួបជាមួយបណ្តាញអ្នកជំនាញ និងអ្នកវិទ្យាសាស្ត្រវៀតណាមនៅកាណាដា
អ្នកជំនាញជាង ២០ នាក់ដែលធ្វើការក្នុងវិស័យដូចជា បញ្ញាសិប្បនិម្មិត ស៊ីមីកុងដុកទ័រ សន្តិសុខតាមអ៊ីនធឺណិត បច្ចេកវិទ្យា 5G/6G ការចាប់ផ្តើមអាជីវកម្ម និងនវានុវត្តន៍ ថាមពល ធនធានរ៉ែយុទ្ធសាស្ត្រ ហេដ្ឋារចនាសម្ព័ន្ធទីក្រុងនិងទិន្នន័យ បានចូលរួមជំនួបនេះ។
លោកអគ្គលេខាបក្ស ប្រធានរដ្ឋ តូ ឡឹម បានវាយតម្លៃខ្ពស់ចំពោះការរួមចំណែករបស់អ្នកជំនាញ និងបញ្ញាវ័ន្តវៀតណាមនៅកាណាដា ដោយបញ្ជាក់ថា នេះគឺជាធនធានបញ្ញាដ៏មានតម្លៃ និងជាស្ពានតភ្ជាប់ដ៏សំខាន់រវាងវៀតណាម ជាមួយកាណាដា និងពិភពលោក។ លោកអគ្គលេខាបក្ស ប្រធានរដ្ឋ បានស្នើឱ្យបណ្តាអ្នកជំនាញបន្តផ្តល់យោបល់ ផ្ទេរបច្ចេកវិទ្យា និងតភ្ជាប់ធនធាន ដោយផ្តោតលើវិស័យអាទិភាពរបស់វៀតណាមដូចជា បញ្ញាសិប្បនិម្មិត ស៊ីមីកុងដុកទ័រ បច្ចេកវិទ្យាកង់ទិច ថាមពលស្អាត ការផ្លាស់ប្តូរឌីជីថល និងការអភិវឌ្ឍធនធានមនុស្សដែលមានគុណភាពខ្ពស់។ លោកអគ្គលេខាបក្ស ប្រធានរដ្ឋ បានបញ្ជាក់យ៉ាងច្បាស់ថា បក្ស និងរដ្ឋនឹងបន្តកែលម្អយន្តការ និងបង្កើតបរិយាកាសអំណោយផលសម្រាប់បញ្ញាវ័ន្តវៀតណាមនៅបរទេស ដើម្បីចូលរួមចំណែកដល់ការអភិវឌ្ឍរបស់ប្រទេសជាតិតាមរយៈមធ្យោបាយសមស្រប៕
